టాలీవుడ్ సీనియర్ హీరో నందమూరి నరసింహ బాలకృష్ణ అఖండ సినిమా తర్వాత మంచి ఊపు మీద ఉన్న సంగతి తెలిసిందే. అఖండ ఇచ్చిన జోష్ తో బాలయ్య అన్ స్టాపబుల్ గా దూసుకుపోతున్నారు. ఆహా ఓటిటిలో ప్రసారమవుతున్న అన్ స్టాపబుల్ విత్ ఎన్బికె ప్రోగ్రాంలో హోస్ట్ గాను బాలయ్య అదరగొడుతున్నారు. దెబ్బకు థింకింగ్ మారిపోవాలా అంటూ బాలయ్య మొదలుపెట్టిన ఈ షో తెలుగు ఓటిటి ప్లాట్ ఫామ్ లో కొత్త ఒరవడికి తెర తీసింది.
బాలకృష్ణ షోకు వస్తున్న స్పందన చూసి మరో అగ్ర హీరో కూడా అదే తరహాలో చేసేందుకు రెడీ అవుతున్నారని టాక్. ఈ నేపథ్యంలోనే ఇంతకాలం సినిమాల్లో మాత్రమే బాలయ్యను చూసిన అభిమానులు టాక్ షో లో ఆయన అదరగొట్టడంతో ఫుల్ హ్యాపీగా ఉన్నారు. వారి ఆనందాన్ని మరింత రెట్టింపు చేసే లాగా తాజాగా బాలయ్య ఓ యాడ్ లో నటించారు. చాలాకాలం తర్వాత బాలకృష్ణ యాడ్లో నటించడం విశేషం.
ప్రముఖ కన్స్ట్రక్షన్ కంపెనీ సాయి ప్రియ గ్రూప్ తరఫున రూపొందించిన ఒక వాణిజ్య ప్రకటనలో బాలయ్య నటించారు. రిచ్ లుక్ లో రాయల్ గా తీసిన యాడ్ ప్రస్తుతం సోషల్ మీడియాలో వైరల్ గ మారింది ఈ యాడ్లో రోస్ రాయిస్ కార్ నంబర్ ప్లేట్ పై ఎన్బికె వన్ అని ఉండడం విశేషం.కొందరు బంగారంలా మెరిస్తే మరికొందరు వజ్రంలా వెలుగుతారు …అంటూ బాలయ్య చెప్పిన డైలాగ్ అదిరిపోయింద ఇక బొమ్మరిల్లు గాలికి ఎగిరిపోతే ఎన్ని సార్లు అయినా కట్టుకోవచ్చని కానీ సొంతింటి కలలో నెరవేర్చుకునేందుకు కట్టుకునే ఇల్లు పదిలంగా ఉండాలని బాలయ్య చెప్పిన డైలాగ్ వైరల్ అయింది.
