‘అన్ స్టాపబుల్ విత్ ఎన్బీకే ‘ టాక్ షోలో టీడీపీ అధినేత, ఏపీ మాజీ సీఎం నారా చంద్రబాబు నాయుడు గెస్ట్ గా వచ్చన సంగతి తెలిసిందే. ఈ నెల 14 నుంచి స్టార్ట్ కాబోతోన్న ఈ ఎపిసోడ్ కోసం నందమూరి, నారా, టీడీపీ అభిమానులు ఆసక్తిగా ఎదురుచూస్తున్నారు. బావ చంద్రబాబును బామ్మర్ది బాలయ్య హోస్ట్ చేసిన ఆ ఎపిసోడ్ పై ఓ రేంజ్ లో హైప్ ఏర్పడింది.
ఆ హైప్ నకు ఏ మాత్రం తగ్గకుండా…తగ్గేదేలే అంటూ తాజాగా ఆ ఎపిసోడ్ ప్రోమో విడుదలైంది. చంద్రబాబు కాలిబర్ ను, కెరీర్ ను పరిచయం చేస్తూ బాలయ్య చెప్పిన ఇంట్రోకు…చంద్రబాబు ఇచ్చిన ఎంట్రీ నెవర్ బిఫోర్ ఎవర్ ఆఫ్టర్ అన్నట్లుగా ఉంది. వ్యక్తిగత జీవితం, స్నేహాలు, మరచిపోని ఘటనలు, రాజకీయాలు, కీలక నిర్ణయాలు..ఇలా చంద్రబాబు జీవితంలోని పలు ఘట్టాలను ఈ షో ద్వారా బాలయ్య రివీల్ చేశారు.
‘‘ఫస్ట్ షోకు నా బంధువును పిలుద్దామనుకున్నా…కానీ, ఆయన ప్రజలందరి బంధువు…అందుకే ఆయనను పిలిచాము…మీకు బాబుగారు..నాకు బావగారు…లెట్స్ వెల్ కమ్ ఒన్ ఆఫ్ ది టాలెస్ట్ టీడర్స్ ఆఫ్ ది పాలిటిక్స్…శ్రీ నారా చంద్రబాబు నాయుడు గారు…’’ అని బాలయ్య చెప్పడంతో విజిల్స్, చప్పట్లు, కేరింతలు, కేకలు మార్మోగిపోయాయి.
మీరు రొమాన్స్ చేశారా అని అడిగితే..కాలేజీ రోజుల్లో మీకంటే ఎక్కువే చేశామని చంద్రబాబు జవాబివ్వడంతో ఆహూతులంతా పగలబడి నవ్వారు. కాలేజీలో బెస్ట్ ఫ్రెండ్ ఎవరు అని అడగగానే.. వైఎస్ఆర్ తనకు మిత్రుడని చంద్రబాబు తన కాలేజీరోజులను నెమరేసుకున్నారు 1995 వైశ్రాయ్ హోటల్ ఎపిసోడ్ పై ప్రస్తావన కూడా ఈ షోలో వచ్చింది. ఆ రోజు మనం చేసింది తప్పా..? అని బాలకృష్ణను చంద్రబాబు అడిగారు.
ఆ రోజు ఆయన కాళ్లుపట్టుకొని బ్రతిమిలాడాను..వినలేదు…అని చంద్రబాబు ఆవేదన చెందారు. అవును..నేను అక్కడే ఉన్నాను అంటూ బాలయ్య జవాబిచ్చారు. ఇలా, బావా బామ్మర్దుల మధ్య సరదాగా సాగిన ఈ ఎపిసోడ్ ప్రోమో ప్రస్తుతం యూట్యూబ్ లో ట్రెండ్ అవుతూ సోషల్ మీడియాలో వైరల్ అయింది. ఇక, ప్రోమోనే ఇలా దుమ్మురేపుతోందంటే…14వ తేదీన స్ట్రీమ్ కాబోతోన్న ఎపిసోడ్ వ్యూయర్ షిప్ లో సరికొత్త రికార్డులు క్రియేట్ చేస్తుందనడంలో ఎనీ డౌట్?
