నందమూరి నటసింహం, మాస్ కా బాప్ నందమూరి బాలకృష్ణ, మాస్ డైరెక్టర్ గోపీచంద్ మలినేనిల కాంబోలో తెరకెక్కుతోన్న #NBK107 చిత్రంపై భారీ అంచనాలున్న సంగతి తెలిసిందే. అఖండ వంటి ఇండస్ట్రీ హిట్ తో మంచి ఊపుమీదున్న బాలయ్య తర్వాతి చిత్రం కావడంతో ఈ చిత్రం కోసం బాలయ్య అభిమానులతో పాటు ప్రేక్షకులు కూడా ఆసక్తిగా ఎదురుచూస్తున్నారు. ఆ క్రేజ్ కు తగ్గట్టుగానే ఈ చిత్రం నుంచి విడుదలైన బాలయ్య లుక్ తో పాటు ప్రతి అప్డేట్ వైరల్ అయింది.
ఇప్పటికే ఈ చిత్రం నుంచి ఫస్ట్ హంట్ పేరుతో రిలీజయిన టీజర్ యూట్యూబ్ లో దుమ్మురేపింది. ‘‘మీకు జీ.వో అంటే గవర్నమెంట్ ఆర్డర్…నాకు జీ.వో అంటే గాడ్స్ ఆర్డర్…నేను నరకడం మొదలుబెడితే ఏ ముక్క ఎవరిదో మీ పెళ్లాలు కూడా గుర్తుపట్టలేరు’’అంటూ బాలయ్య చెప్పిన పవర్ ఫుల్ డైలాగ్… నెవర్ బిఫోర్ అన్న రీతిలో సాల్ట్ అండ్ పెప్పర్ మాస్ లుక్‌లో బాలయ్య బాడీ లాంగ్వేజ్ ఫ్యాన్స్ కు గూస్ బంప్స్ తెప్పించింది.
ఈ క్రమంలోనే ఈ చిత్రం టైటిల్ పోస్టర్ ను ‘దసరా’నాడు రిలీజ్ చేస్తారని ఫ్యాన్స్ ఎదురుచూశారు. అయితే, అదే రోజు బాలకృష్ణ ‘అన్ స్టాపబుల్’ టీజర్ ఈవెంట్ ఉండడంతో అది వీలు కాకపోవడంతో ఫ్యాన్స్ హర్టయ్యాు. అయితే, ఈ దీపావళినాడు ఫ్యాన్స్ డబుల్ ధమాకా ఇచ్చేందుకు చిత్ర యూనిట్ ప్లాన్ చేస్తున్నట్లు తెలుస్తోంది.ఈ సినిమా టైటిల్ పోస్టర్ రిలీజ్ దీపావళినాడు ఉండొచ్చని ప్రచారం జరుగుతోంది. టైటిల్ లుక్ తోనే ఈ సినిమాపై ఉన్న అంచనాలు పెంచేలా గోపీచంద్ ప్లాన్ చేస్తున్నారని తెలుస్తోంది. వచ్చే ఏడాది సంక్రాంతికి ఈ సినిమాను విడుదల చేయనున్నారు.
