నాచురల్ స్టార్ నాని హీరోగా శ్రీకాంత్ ఓదెల దర్శకత్వంలో తెరకెక్కుతోన్న సినిమా ‘దసరా’. నాని సరసన కీర్తి సురేష్ హీరోయిన్ గా నటిస్తున్న ఈ చిత్రం వచ్చే ఏడాది మార్చిలో విడుదల చేసేందుకు సన్నాహాలు చేస్తున్నారు. పాన్ ఇండియా రేంజ్ లో సుధాకర్ చెరుకూరి నిర్మిస్తున్న ఈ చిత్రంపై నాని అభిమానులు భారీ ఆశలు పెట్టుకున్నారు. ఇప్పటికే ఈ చిత్రం నుంచి విడుదలైన నాని లుక్, గ్లింప్స్ కు మంచి రెస్పాన్స్ వచ్చింది.
ఈ క్రమంలోనే తాజాగా దసరా పర్వదినాన్ని పురస్కరించుకుని ‘దసరా’ సినిమా నుంచి ఫస్ట్ సింగిల్ ను విడుదల చేసింది. ‘ధూమ్ ధామ్ దోస్తాన్…’ అంటూ సాగుతున్న ఈ పాటలో నాని ఊర మాస్ స్టెప్పులతో అదరగొట్టాడు. కాసర్ల శ్యామ్ రాసిన పాటను రాహుల్ సిప్లిగంగ్ అండ్ టీం పాడారు. నాని పక్కా మాస్ లుక్ లో కనిపిస్తున్న ఈ పాట ….‘దారి చూడు దుమ్ము చూడు మామ’ టైపులో మాస్ ను విపరీతంగా ఆకట్టుకుంటోంది.
గోదావరిఖని సమీపంలో ఉన్న సింగరేణి విలేజ్ బ్యాక్ డ్రాప్ లో ఈ సినిమాను తెరకెక్కిస్తున్నారని తెలుస్తోంది. తొలి షెడ్యూల్ పూర్తి చేసుకున్న ఈ సినిమా రెండో షెడ్యూల్ హైదరాబాద్ లో జరుపుకుంటున్న తెలుస్తోంది. సాయికుమార్, సముద్రఖని తదితరులు కీలకపాత్రలో నటిస్తున్ ఈ సినిమా ఇప్పటికే 50 కోట్ల బిజినెస్ జరిపినట్లుగా తెలుస్తోంది. ఓవర్సీస్ తో కలుపుకుంటే మొత్తం 80 కోట్ల బిజినెస్ జరిగిందట.
రాజు గారి కోటలాంటి ఇంట్లో ఉండే ఒక హీరోయిన్ … స్లమ్ లో ఉండే మాస్ హీరోల మధ్య ఒక ఇంట్రెస్టింగ్ లవ్ స్టోరీని దర్శకుడు చూపించబోతున్నట్టుగా తెలుస్తోంది. సాధారణంగా అయితే 30 నుంచి 40 కోట్ల మార్కెట్ ఉన్న నాని సినిమా కోసం దాదాపు 70 కోట్లు ఖర్చు పెడుతున్నారని, కథపై నమ్మకంతోనే నిర్మాత డబ్బుకు వెనకాడడం లేదని టాలీవుడ్ టాక్.
