హీరో నాగ చైతన్యతో విడాకుల తర్వాత టాలీవుడ్ స్టార్ హీరోయిన్ సమంత రూత్ ప్రభు దూకుడు పెంచిన సంగతి తెలిసిందే. గో అంటావా మావా…గోవా అంటావా మావా అంటూ వెకేషన్ లు, టూర్ లతో సామ్ లైఫ్ ను ఎంజాయ్ చేస్తూ తన హాట్ ఫొటోలను షేర్ చేస్తూ సోషల్ మీడియాలో దుమారం రేెపుతోంది. ఇక, క్రిటిక్స్ చాయిస్ ఫిల్మ్ అవార్డ్ దక్కించుకున్న సమంత….అక్కడకు వచ్చిన వారందరినీ తన అందంతో మంత్రముగ్దుల్ని చేసింది.
రెడ్ కార్పెట్ పై ఎమరాల్డ్ గ్రీన్, నలుపు రంగు డీప్ నెక్ డ్రెస్సులో తళుక్కున మెరిసిన సమంత…గతంలో ఎన్నడూ లేని విధంగా బోల్డ్ లుక్ లో ఫోజిచ్చిన ఫొటో సంచలనం రేపింది. బాలీవుడ్ లో దుమ్ము రేపి హాలీవుడ్ లోనూ ఎంట్రీ ఇచ్చేందుకు రెడీ అయిన సమంత…తాజాగా ఆ దిశంగా వర్కవుట్లు చేస్తోంది. ఆల్రెడీ ఫిట్‌నెస్ ఫ్రీక్ అయిన సమంత…ఈ ఏడాది చేయబోతోన్న సినిమాల కోసం మరింత ఫిట్ గా కనిపించేందుకు తెగ కష్టపడుతోంది.
ఈ క్రమంలోనే తాజాగా నెవర్ బిఫోర్ తరహాలో ఓ ఇంటెన్స్ వర్కౌట్ వీడియోను సమంత షేర్ చేసింది హెవీవెయిట్‌లను అవలీలగా ఎత్తేస్తున్న సామ్ హాట్ అండ్ క్యూట్ వీడియో సోషల్ మీడియాలో వైరల్ అయింది. బలమైన శరీరం, బలమైన మనస్సు…2022-23 తనకు శారీరకంగా చాలా శ్రమతో కూడుకున్న సమయం అంటూ సామ్ తన ఇన్ స్టాగ్రామ్ లో పోస్ట్ చేసిన వీడియో వైరల్ అయింది.
సామ్ ప్రస్తుతం “శాకుంతలం”, “యశోద” అనే రెండు పాన్ ఇండియా ప్రాజెక్టులతో అభిమానులను అలరించడానికి సిద్ధమవుతోంది. మరోవైపు రాజ్ అండ్ డికెతో కలిసి పనిచేయడానికి సిద్ధంగా ఉంది. ఈ బాలీవుడ్ చిత్రంలో వరుణ్ ధావన్ ప్రధాన పాత్రలో నటిస్తున్నారు. శివ నిర్వాణ దర్శకత్వంలో విజయ్ దేవరకొండతో ఓ మూవీ, అరేంజ్మెంట్స్ ఆఫ్ లవ్ అనే మరో హాలీవుడ్ మూవీకి కూడా సైన్ చేసింది.
