మాస్ కా బాప్, నందమూరి నటసింహం బాలకృష్ణ ‘అఖండ’ చిత్రం తర్వాత మంచి జోరు మీదున్న సంగతి తెలిసిందే. ‘అఖండ’తో ఇండస్ట్రీకి ఊపిరి పోసిన బాలయ్య…ఆ తర్వాత వరుసగా సినిమాలు సైన్ చేశారు. యువ స్టార్ హీరోలతో పోటీపడుతున్న బాలయ్య బాబు…గోపీచంద్ మలినేని, కొరటాల శివ, సంపత్ నంది, అనిల్ రావిపూడి, శ్రీకాంత్ అడ్డాల వంటి యువ దర్శకులతో చిత్రాలకు గ్రీన్ సిగ్నల్ ఇచ్చేశారు.
మాస్ డైరెక్టర్ గా మంచి పేరున్న గోపీచంద్ మలినేని, మాస్ కా బాప్ బాలయ్యల కాంబోలో రాబోతోన్న ఈ చిత్రంపై విపరీతమైన క్రేజ్ ఏర్పడింది. ఆ క్రేజ్ కు తగ్గట్టుగానే తాజాగా గోపీచంద్ మలినేని చిత్రం నుంచి విడుదలైన బాలయ్య లుక్ వైరల్ అయింది. తాజాగా బాలయ్య ఫస్ట్ లుక్ రివీల్ చేస్తూ చిత్రయూనిట్ విడుదల చేసిన మోషన్ టీజర్ సోషల్ మీడియాలో ట్రెండ్ అవుతోంది. #NBK 107 Hunt Begins…అంటూ క్యాప్షన్ తో రివీలైన లుక్ వైరల్ అయింది.
ఈ సినిమాలో పంచె కట్టు, కళ్లకు కూలింగ్ గ్లాసెస్, పక్కనే లాండ్ రోవర్ డిఫెండర్ ఎస్ యూవీతో ఉన్న బాలయ్య లుక్ వైరల్ అయింది. సాల్ట్ అండ్ పెప్పర్ లుక్ తో బాలయ్య బాబును చూసి ఫ్యాన్స్ ఫుల్ జోష్ లో ఉన్నారు. ‘అఖండ’లో అఘోరా గెటప్ తో అదరగొట్టిన బాలయ్య బాబు…ఈ లుక్ తో మరో హిట్ కొట్టడం గ్యారెంటీ అని అంటున్నారు. పూజా కార్యక్రమాలు ఫినిష్ చేసి సెట్స్ పైకి వెళ్లిన ఈ చిత్రంలో బాలకృష్ణ సరసన శృతి హాసన్ నటిస్తోంది.
మైత్రీ మూవీ మేకర్స్ బ్యానర్ పై తెరకెక్కుతున్న ఈ చిత్రానికి యంగ్ సెన్సేషన్ థమన్ సంగీతం అందిస్తున్నాడు. ఇక, ఈ చిత్రంలో విలక్షణ నటి వరలక్ష్మి శరత్ కుమార్ ఓ కీలకపాత్ర పోషిస్తోంది. వేటపాలెం బ్యాక్ డ్రాప్ లో జరిగే ఈ చిత్రం మాస్ బ్లాక్ బస్టర్ గా నిలుస్తుందని చిత్ర యూనిట్ కాన్ఫిడెంట్ గా ఉంది.
