సినీ ప్రముఖులతో జగన్ భేటీ కావడం….ఇన్నాళ్లుగా నానుతున్న టికెట్ల రేట్ల వివాదానికి పరిష్కారం లభించిందని చిరు సహా మహేశ్, ప్రభాస్ చెప్పడం…హాట్ టాపిక్ గా మారింది. అయితే, లేని సమస్యను జగన్ క్రియేట్ చేసి దానిని పరిష్కరించినట్లు బిల్డప్ ఇచ్చారని టీడీపీ నేతలు సెటైర్లు వేస్తున్నారు. ఈ క్రమంలోనే జగన్ పై టీడీపీ అధినేత చంద్రబాబు నాయడు సంచలన వ్యాఖ్యలు చేశారు.
ఈ రకంగా సెలబ్రిటీలను, సినీ ప్రముఖులను కూడా బెదిరించి లొంగదీసుకోవచ్చని తనకు తెలీదని షాకింగ్ వ్యాఖ్యలు చేశారు. సమస్యను తానే సృష్టించి…తానే పరిష్కారం చూపినట్లుగా చేయడంపై చంద్రబాబు చురకలంటించారు..వివిధ వర్గాల పొట్టకొట్టి వారిని భయపెట్టి లొంగదీసుకుంటున్నారని జగన్ పై చంద్రబాబు ఫైర్ అయ్యారు. సీఎంగా 14ఏళ్లు పనిచేసినా ఈ మాదిరిగా చేయగలుగుతామా…వారితో చేయించగలుగుతామా అన్న విషయం తనకు తెలీదని చంద్రబాబు అన్నారు.
ఈ విషయంలో జగన్ ను చూసి తాను నేర్చుకుంటున్నానని చంద్రబాబు సెటైర్లు వేశారు. పెద్ద నాయకుడా జగన్ రెడ్డి…పొట్టమీద కొట్టి భయభ్రాంతులకు గురిచేసి జనాన్ని లొంగదీసుకుంటున్నారని మండిపడ్డారు. ఈ రోజు సెలబ్రిటీలకు పట్టిన గతే రేపు సామాన్యులకూ పడుతుందని చంద్రబాబు అన్నారు. ఈ నేపథ్యంలోనే సినిమా టికెట్ల వ్యవహారం, జగన్ తో చిరు భేటీలపై చంద్రబాబు రియాక్షన్ హాట్ టాపిక్ గా మారింది.
