మహేశ్ అన్నంతనే ఆయన మాటల్లో తెలుగోడి విరుపు కనిపిస్తుంటుంది. అది రీల్ లోనే కాదు..రియల్ లైఫ్ లోనూ. కాకుంటే.. మితభాషిగా.. బయటకు పెద్దగా ఫోకస్ కాని ఆయన.. ఇంటర్వ్యూలు సైతం తన సినిమా ప్రమోషన్ల టైంలో తప్పించి.. మిగిలిన సమయాల్లో తక్కువగా ఇస్తుంటారు.అలాంటి ఆయన.. తాజాగా బాలయ్య ‘ఆహా’ ఓటీటీలో ప్రసారమవుతున్న ‘అన్ స్టాపబుల్ విత్ ఎన్ బీకే’ షోకు వచ్చారు.
తొలిసారి బాలయ్య చేస్తున్న ఈ షోకు విశేష ప్రేక్షకాదరణ లభిస్తున్న సంగతి తెలిసిందే. తాజాగా ఈ సీజన్ ఫినాలే ఎపిసోడ్ కు మహేశ్ బాబును తీసుకొచ్చారు. వచ్చే నెల మొదటి వారంలో విడుదల కానున్న ఈ షోకు సంబంధించిన ప్రోమోను తాజాగా విడుదల చేశారు. నాలుగు నిమిషాలకు పైనే నిడివి ఉన్నఈ ప్రోమోలో ఆసక్తికర అంశాలు ఉండటమే కాదు.. ఈ షోను ఎప్పుడెప్పుడు చూద్దామనేలా ఉండేలా కట్ చేయటంలో సక్సెస్ అయ్యారు.
బాలయ్య తీరు తెలిసిన వారు.. ఆయనతో చనువుగా మాట్లాడటానికి కాస్తంత జంకుతారు. అలాంటిది మహేశ్ మాత్రం తనకు అలవాటైన తీరులోనే ఉండటమే కాదు.. అవకాశం వచ్చిన ప్రతి సందర్భంలోనూ తనదైన మార్క్ సంభాషణలతో బాలయ్యను ఏసుకునేందుకు ఏ మాత్రం వెనకాడకలేదు. ‘
‘భరత్ అనే నేను’’ షూటింగ్.. కెమేరా ఫ్రంట్ రో లో.. జనం ఉండరు. కానీ.. నేను ఉంటాను బోల్డ్ గా. జనాల్ని చూస్తూ.. ఇంటెన్స్ గా చెబుతున్నాను. ఒకామె మాత్రం ఫోన్లో గేములు ఆడుకుంటూ ఉంది. నేను డైలాగు చెబుతా చెబుతా..కట్ చెప్పకుండా ఆమె చూసి.. అమ్మా.. ఆ గేమ్ .. ఆటను ఆపండమ్మా. మానేయండమ్మా.. ప్లీజ్ అన్నా.. అదే మీరు కనుక ఉంటే.. మైక్ విసిరేసేవారు వాళ్ల మీద’’ అంటూ తనదైన శైలిలో పంచ్ వేసేశారు. దానికి బాలయ్య ఇచ్చిన ఎక్స్ ప్రెషన్ కు నవ్వేశారు మహేశ్.
మరో సందర్భంలో.. ముహుర్తాలను చూసుకోవటం.. దాన్ని నమ్మటం.. అదే మిమ్మల్ని రక్షిస్తుందంటారు. అదెలా అన్న ప్రశ్నకు బాలయ్య సమాధానమిస్తూ.. ‘కొందరు ఉంటారు దేవుళ్ల గురించి లెక్చర్లు ఇస్తుంటారు. ఇస్తా పోతారు. వాళ్లేమో లెక్చర్లు చెబుతుంటారు. మేమేమో కొడతాం.
అదేంటి కొడతావ్ అంటే.. మీకెలా తెలిసిందంటే.. నొప్పి అంటారు. ఆ నొప్పిలోనే ఉన్నాడు దేవుడు’ అని ఆయన చెబుతున్నంతనే.. మహేశ్ కల్పించుకొని.. ‘‘ఏమ్మా.. ఎవరైనా దేవుడ్ని చూస్తారా?’ అంటూ పంచ్ వేయటం.. ఆ షోకు వచ్చినోళ్లు… నో అనేస్తూ.. చేతులు ఊపటం.. అందరూ నవ్వేస్తారు. దీనికి బాలయ్య స్పందిస్తూ.. ఇందాక అనుకున్నాం కదా.. సెటైర్లు అని.. ఇదే అంటూ.. లాగుతున్నా.. బయటకు అంటూ మహేశ్ లోని క్వాలిటీని మరోసారి ప్రస్తావించారు. ఏమైనా బాలయ్య ముందు.. ఆయన్ను తనదైన శైలిలో ఏసుకున్న ఈ వీడియో భలేగా ఆకర్షిస్తోంది.
