జై బాలయ్య ???????? pic.twitter.com/cvyB7g5J9D
— తెలుగుదేశంసైనికులు (@TDPMission2024) January 16, 2022
తెలుగోళ్ల పెద్ద పండుగ సంక్రాంతి అన్నది అందరికీ తెలిసిందే. ఏడాది మొత్తం ఎక్కడ ఉన్నా సరే.. ఈ పెద్ద పండక్కి ఊరికి వెళ్లేందుకు ఇష్టపడుతుంటారు. వేర్వేరుగా వేర్వేరు చోట్ల స్థిరపడినోళ్లంతా ఊళ్లకు వెళ్లి కలిసేందుకు ప్లాన్ చేసుకోవటం ఈ పండుగ ప్రత్యేకతగా చెప్పాలి.
సామాన్యులే కాదు.. సెలబ్రిటీలు.. ప్రముఖులు సైతం సంక్రాంతి పండుగను ఇ స్పెషల్ గా చేసుకోవటం తెలిసిందే. అయితే.. వాటికి సంబంధించిన పర్సనల్ వీడియోలు.. ఫోటోలు పెద్దగా బయటకు రావు. తాజాగా సంక్రాంతి పండక్కి సోదరి పురంధేశ్వరి ఇంటికి సతీ సమేతంగా వెళ్లిన నందమూరి బాలక్రిష్ణ.. అక్కడ పూర్తి స్థాయిలో చిల్ అవుతున్నారు. బాలయ్యతో పాటు.. ఇతర కుటుంబ సభ్యులు కూడా పురంధేశ్వరి ఇంటికి వచ్చారు.
మూడు రోజులుగా కారంచేడు లో ఉన్న ఆయన రాకతో వాతావరణం మొత్తం సందడిగా మారింది. దీనికి తోడు.. పండక్కి వెళ్లామా.. ఇంట్లో మాత్రమే ఉండకుండా.. అందరితో కలివిడిగా తిరగటం.. కుటుంబ సభ్యులతోనే ఎక్కువ సమయాన్ని గడపటం.. వారంతా కలిసి బయటకు వెళ్లడం వంటివి చేస్తున్నారు. ఈ రోజు(ఆదివారం) ఉదయమే.. నందమూరి ఫ్యామిలీ మొత్తం కారంచేడుకు అత్యంత సమీపంలో ఉండే వేటపాలెం- రామాపురం బీచ్ కు వెళ్లారు.
బీచ్ అందాల్నిఅస్వాదిస్తూ..అక్కడే బ్రేక్ పాస్ట్ కు ప్లాన్ చేశారు. తాజా వీడియోను చూస్తే.. నందమూరి ఆడపడుచులంతా కుర్చీల్లో కూర్చొని ఉంటే..బాలయ్య వారికి దగ్గరగా నిలబడి ఉండం.. సరదాగా కబుర్లు చెప్పుకోవటం కనిపిస్తుంది. అప్పుడే ఓపెన్ టాప్ జీపులో రైడ్ కు వెళ్లి వచ్చిన బాలయ్య దంపతులు దాని గురించి మాట్లాడుకోవటం కనిపిస్తుంది. నవ్వుతూ.. తుళ్లుతూ.. జోకులు వేసుకుంటూ మాట్లాడిన ఈ క్యూట్ వీడియోను చూస్తే.. అసలుసిసలు సంక్రాంతి సంబరానికి కేరాఫ్ అడ్రస్ గా ఈ వీడియో ఉందని చెప్పక తప్పదు.
చీరాల బీచ్ లో బాలయ్య pic.twitter.com/TJyXSK2yKe
— A.sekhar babu (@annav8888) January 16, 2022
