విశాఖపట్నంలోని హెచ్‌పీసీఎల్ రిఫైనరీలో అగ్నిప్రమాదం సంభవించింది.
ఒక్కసారిగా మంటలు, దట్టమైన పొగ కనిపించాయని స్థానికులు చెబుతున్నారు.
ప్రమాద తీవ్రతను చెబుతూ మూడు సార్లు సైరన్ మోగించడంతో ఉద్యోగులంతా ఒక్కసారిగా బయటకు వచ్చేశారు.
హెచ్‌పీసీఎల్ ఓల్డ్ టెర్మినల్‌లోని సీడీయూ యూనిట్‌లో ప్రమాదం జరిగినట్లు ఉద్యోగులు చెబుతున్నారు.
ప్రమాద సమాచారం తెలుసుకున్న పోలీసులు, అగ్నిమాపక సిబ్బంది వెంటనే అక్కడికి చేరుకున్నారు. వివిధ పరిశ్రమల నుంచి కూడా అగ్నిమాపక వాహనాలు చేరుకుని మంటలను అదుపు చేసేందుకు ప్రయత్నిస్తున్నాయి.
సహాయ చర్యల కోసం ఇండియన్ నేవీ అధికారులు కూడా ప్రమాద స్థలానికి చేరుకున్నారు.
