అనంత్ అంబానీ పెళ్లిలో టాలీవుడ్ తార‌ల హంగామా.. ఫోటోలు చూశారా..?

ప్రపంచ సంపన్నుల్లో ఒకరైన ముకేష్‌ అంబానీ – నీతా అంబానీ చిన్న కుమారుడు అనంత్ అంబానీ ఫైన‌ల్ గా వైవాహిక జీవితంలోకి అడుగుపెట్టేశారు. ప్రముఖ వ్యాపారవేత్త, ఎన్‌కోర్ హెల్త్‌కేర్ సీఈఓ విరెన్ మర్చంట్, శైలా మర్చంట్‌ దంపతుల గార‌ల ప‌ట్టి రాధికా మ‌ర్చంట్ ను శుక్ర‌వారం రాత్రి అనంత్ అంబానీ పెళ్లాడారు. ముంబై బాంద్రా కుర్లా ప్రాంతంలోని జియో వరల్డ్ కాంప్లెక్స్‌లో హిందూ సంప్ర‌దాయం ప్ర‌కారం అంగరంగవైభవంగా వీరి ప‌రిణ‌య మ‌హోత్స‌హం జ‌రిగింది.

ప‌ది త‌రాలు కాదు అనంత త‌రాలు గుర్తిండిపోయేలా ముఖేష్ అంబానీ త‌న కుమారుడి పెళ్లిని జ‌రిపించారు. కుటుంబ సభ్యులు, బంధువులతో పాటు ప్రపంచ నలుమూలల నుంచి అతిరథ మహారథులు తరలివ‌చ్చి అనంత్ అంబానీ వివాహంలో సంద‌డి చేశారు. మ‌న టాలీవుడ్ ఇండ‌స్ట్రీ నుంచి ప‌లువురు తార‌లు హంగామా చేశారు.

ఈ జాబితాలో టాలీవుడ్ సూప‌ర్ స్టార్ మ‌హేష్ బాబు ఒక‌రు. భార్య నమ్రత, కుమార్తె సితారలతో కలిసి ఆయన ఈ వేడుకకు హాజరయ్యారు. అనంత్ అంబానీ పెళ్లిలో బ్లాక్ అండ్ బ్లాక్ ఔట్ ఫిట్.. ఆకట్టుకునే హెయిర్ స్లైల్ మ‌రియు గడ్డంతో మహేష్ బాబు స‌రికొత్తగా క‌నిపించి సెంటర్ ఆఫ్ అట్రాక్షన్ గా నిలిచారు. మ‌హేష్ బాబు తాజా లుక్ సోష‌ల్ మీడియాలో తెగ ట్రెండ్ అవుతోంది.

అలాగే అనంత్, రాధిక రాయ‌ల్ వెడ్డింగ్ లో టాలీవుడ్ నుంచి మెగా ప‌వ‌ర్ స్టార్ రామ్ చ‌ర‌ణ్‌, ఉపాస‌న దంప‌తులు హాజ‌ర‌య్యారు. షేర్వాణీ సూట్ లో రామ్ చ‌ర‌ణ్‌, చీర‌లో ఉపాస‌న అందంగా మెరిసిపోయారు.

టాలీవుడ్ హల్క్, హీరో రానా ద‌గ్గుబాటి తన భార్య మిహీకా బజాజ్ తో కలిసి అనంత్ అంబానీ వివాహ వేడుకలో పాల్గొన్నారు. రానా లేత గోధుమరంగు షేర్వానీ సూట్ సెట్‌ను చిక్ సన్ గ్లాసెస్‌తో జత చేస్తే.. మిహీకా రెండ్ అండ్ గోల్డ్ క‌ల‌ర్‌ లెహంగా సెట్‌లో అద్భుతంగా కనిపించింది.

ద‌గ్గుబాటి ఫ్యామిలీ నుంచి రానాతో పాటు విక్ట‌రీ వెంక‌టేష్ కూడా అంబానీ ఇంట పెళ్లికి వెళ్లారు. వైట్ క‌ల‌ర్ షేర్వానీ సూట్ సెట్ లో వెంకీ మామ క‌ల‌ర్ ఫుల్ గా మెరిసిపోయారు. అలాగే అక్కినేని ఫ్యామిలీ నుంచి అఖిల్ హాజ‌ర‌య్యాడు. లాంగ్ హెయిర్‌తో అఖిల్ చాలా కొత్త క‌నిపించాడు.

మ‌రోవైపు కోలీవుడ్ ఇండ‌స్ట్రీ నుంచి సూప‌ర్ స్టార్ ర‌జీన‌కాంత్ తన భార్య లత, కూతుర్తె సౌంద‌ర్య‌, అల్లుడు విషగన్ వనంగముడి మ‌రియు మనవడితో కలిసి వెళ్లారు. వీరంతా ట్రెడీష‌న‌ల్ దుస్తుల్లో పెళ్లికి హాజ‌ర‌య్యారు. అనంత్ అంబానీ బారాత్ ఊరేగింపులో ర‌జ‌నీకాంత్ డ్యాన్స్ చేయ‌డం మ‌రొక విశేషం.

కోలీవుడ్ నుంచి సూర్య- జోతిక దంప‌తులు, నయనతార- విఘ్నేశ్ శివన్ దంపతులు, స్టార్ డైరెక్ట‌ర్ అట్లీ, ఆయన భార్య ప్రియా అట్లీ స‌హా ప‌లువురు తార‌లు అనంత్ అంబానీ, రాధికా మ‌ర్చంట్ పెళ్లిలో హంగామా చేశారు. ప్ర‌స్తుతం అందుకు సంబంధించి పిక్స్ సోష‌ల్ మీడియాలో ట్రెండ్ అవుతున్నాయి.