బుల్లితెర బిగ్గెస్ట్ రియాలిటీ షో బిగ్ బాస్ సీజన్ 8 త్వరలో స్టార్ట్ కాబోతున్న సంగతి తెలిసిందే. సెప్టెంబర్ 8న ప్రారంభోత్సవానికి ముహూర్తం పెట్టారని బలంగా ప్రచారం జరుగుతుంది. షో యాజమాన్యం వరుస ప్రోమోలతో ప్రమోషన్స్ కూడా ప్రారంభించింది. మరోవైపు బిగ్ బాస్ సీజన్ 8 లో పాల్గొన్నబోయే కంటెస్టెంట్స్ వీళ్లే అంటూ పలువురు సెలబ్రిటీల పేర్లు దాదాపు గత రెండు నెలల నుంచి సోషల్ మీడియాలో చక్కర్లు కొడుతున్నాయి.
అయితే తాజాగా ఓ టాలీవుడ్ హీరో పేరు కూడా వినిపిస్తోంది. ఇంతకీ అతను మరెవరో కాదు అభినవ్ గోమఠం. హైదరాబాదులో జన్మించి, గుజరాత్ లో పెరిగిన అభినవ్.. స్ట‌డీస్ అనంత‌రం యాక్టింగ్ పై ఉన్న ప్యాష‌న్ తో ఇండ‌స్ట్రీ వైపు అడుగులు వేశాడు. 2014లో మైనే ప్యార్ కియా అనే సినిమాతో వెండితెర‌పై అడుగు పెట్టాడు. క‌మెడియ‌న్ గా కెరీర్ ప్రారంభించిన అభినవ్.. ఈ నగరానికి ఏమైంది, ఫలక్‌నుమా దాస్, మీకు మాత్రమే చెప్తా వంటి చిత్రాల‌తో మంచి గుర్తింపు తెచ్చుకున్నాడు.
ఈ ఏడాది ఆరంభంలో మస్తు షేడ్స్ ఉన్నాయ్ రా మూవీతో అభినవ్ హీరోగా కూడా మారాడు. రీసెంట్ గా మై డియర్ దొంగ సినిమాలోనూ మెయిన్ లీడ్ లో న‌టించి అల‌రించాడు. అయితే త‌న‌దైన కామెడీ టైమింగ్ తో చాలా త‌క్కువ స‌మ‌యంలోనే ప్రేక్ష‌కులకు చేరువైన అభినవ్ ను బిగ్ బాస్ హౌస్‌లోకి తీసుకురావాల‌ని షో యాజమాన్యం అత‌నితో సంప్ర‌దింపులు జ‌రిపింద‌ట. భారీ రెమ్యున‌రేష‌న్ కూడా ఆఫ‌ర్ చేయ‌డంతో.. అభినవ్ సీజన్ 8లో కంటెస్టెంట్ గా ఎంట్రీ ఇచ్చేందుకు ఓకే చెప్పాడ‌ని నెట్టింట వార్త‌లు చక్కర్లు కొడుతున్నాయి. బిగ్ బాస్ లోకి అతను రావ‌డం ఆల్మోస్ట్ ఫిక్స్ అయిన‌ట్లే అని టాక్ న‌డుస్తోంది. మ‌రి ఈ ప్రచారం ఎంత వ‌ర‌కు నిజ‌మ‌వుతోందో చూడాలి.
