‘తానా ఫౌండేషన్’ సేవా కార్యక్రమాలు నిమిత్తం ‘టీమ్ నరేన్ కొడాలి’ 70,000 డాలర్లు (యాభై లక్షలు) ఇప్పటికే ‘తానా’ లో జమ. ప్రత్యేకంగా కరోనా సేవా కార్యక్రమాల నిమిత్తం నేడు మరో “కోటి రూపాయల” సమీకరణ ప్రకటన:
వివిధ ప్రభావవంతమైన సామాజిక, విద్యా పరమైన సేవా కార్యక్రమాల కోసం, గెలుపుతో సంభందం లేకుండా ‘#టీమ్ నరేన్ కొడాలి’ ఇప్పటికే ‘తానా ఫౌండేషన్’ లో 70,000 డాలర్లు (యాభై లక్షలు) జమ చేశారు. నిస్స్వార్ధ సేవా తత్పరతతో, ఇప్పటికే సంస్థలో జమ కాబడిన ఈ మొత్తం 2021 – 2023 మధ్య చేపట్టబోవు పలు సేవా కార్యక్రమాలకు అందుబాటులో ఉంది.
ప్రస్తుతం ఉభయ తెలుగు రాష్ట్రాల్లో “కరోనా” రెండవ దశ పంజా విప్పి కాటేస్తూ, జన జీవనాన్ని అతలాకుతలం చేస్తున్న సందర్భంలో, ‘#టీమ్ నరేన్ కొడాలి’ సభ్యులు, మిత్రులు మరియు శ్రేయోభిలాషులు కలిసి తమ వంతు సాయంగా ముందుకు వచ్చి ‘కోటి రూపాయల’ నిధులను సమీకరిస్తామని ప్రకటించారు.
రాష్ట్ర ప్రభుత్వాలు, NGO లు స్వచ్ఛంద సంస్థల సమన్వయంతో కరోనా వల్ల సంభవించిన నష్టాన్ని పరిగణించి, అత్యవసర సహాయం మరియు దీర్ఘకాలిక అవసరాల కోసం, సేకరించిన నిధులను దశల వారీగా, ప్రభావవంతంగా
వినియోగిస్తామని తెలియజేసారు.
