టాలీవుడ్ యంగ్ టైగర్ జూనియర్ ఎన్టీఆర్, మెగా పవర్ స్టార్ రామ్ చరణ్ తేజ్ ల కాంబోలో దర్శకధీరుడు రాజమౌళి తెరకెక్కించిన ఆర్ఆర్ఆర్ చిత్రం ప్రపంచవ్యాప్తంగా ప్రశంసలు అందుకుంటున్న సంగతి తెలిసిందే. ఇప్పటికే ఆస్కార్ రేసులో నిలిచిన ఈ సినిమా గోల్డెన్ గ్లోబ్ అవార్డులలో సత్తా చాటింది. ఈ క్రమంలోనే హాలీవుడ్ లో దిగ్గజ నిర్మాణ సంస్థలు చెర్రీ, తారక్ లతో సినిమా తీసేందుకు పోటీ పడుతున్నాయి.
ఈ క్రమంలోనే హాలీవుడ్ దిగ్గజ నిర్మాణ సంస్థ మార్వెల్ స్టూడియోతో కలిసి పనిచేసేందుకు తాను ఉత్సాహంగా ఉన్నానంటూ కొద్దిరోజులు క్రితం తారక్ ఓ ఇంటర్వ్యూలో అన్నాడు. ఈ క్రమంలోనే మార్వెల్ స్టూడియోస్ ఎగ్జిక్యూటివ్ విక్టోరియా అలౌన్సోతో తారక్ భేటీ అయ్యాడు. ప్రతిష్టాత్మక మార్వెల్ వంటి దిగ్గజ నిర్మాణ సంస్థలో తారక్ పనిచేసేలా ఆ చర్చలు జరిగాయని, త్వరలో మార్వెల్ సినిమాటిక్ యూనివర్స్ తో తారక్ సినిమా చేసే చాన్స్ ఉందని తెలుస్తోంది. ఇదే జరిగితే, తెలుగు వారి ఖ్యాతి మరింత ఇనుమడిస్తుందని అభిమానులు కామెంట్స్ చేస్తున్నారు.
ఇక, మార్వెల్ స్టూడియోస్ నుంచి కాల్ వస్తే సినిమా చేసేందుకు సిద్ధమని చెర్రీ కూడా అన్నారు. ఇండియన్ సూపర్ హీరోగా చేయమంటే ఎందుకు చేయను? తప్పకుండా చేస్తాను? అని చరణ్ అన్నారు. టోనీ స్టార్క్ తన ఫేవరెట్ సూపర్ హీరో ఎవరు? అని చెప్పారు. ఇండియాలోనే ఎంతో అద్భుతమైన సూపర్ హీరోలున్నారని, వారిని ఇక్కడకు ఎందుకు తీసుకురాకూడదని తారక్ అన్నారు.
