ఐకాన్ స్టార్ అల్లు అర్జున్ త్వరలో `పుష్ప 2: ది రూల్` మూవీతో ప్రేక్షకులను పలకరించనున్న సంగతి తెలిసిందే. సుకుమార్ ద‌ర్శ‌కుడిగా మైత్రీ మూవీ మేక‌ర్స్ నిర్మాణంలో రూపుదిద్దుకుంటున్న ఈ చిత్రం డిసెంబర్ 5న ప్రపంచవ్యాప్తంగా గ్రాండ్ రిలీజ్ కాబోతోంది. ఫస్ట్ పార్ట్ భారీ విజయాన్ని నమోదు చేయడంతో పుష్ప 2 పై అంచనాలు తారా స్థాయిలో ఏర్పడ్డాయి. అంత‌కు త‌గ్గ‌ట్లుగానే బిజినెస్ కూడా జ‌రుగుతోంది.
ఇదిలా ఉంటే.. పుష్ప ది రైజ్ లో స్టార్ లేడీ సమంత ఐటమ్ సాంగ్ చేయగా.. పుష్ప ది రూల్ లో యంగ్ సెన్సేషన్ శ్రీలీల చేత స్పెషల్ సాంగ్ చేయిస్తున్నారు. ఈ సాంగ్ కి సంబంధించిన షూటింగ్ కూడా స్టార్ట్ అయింది. గతంలో ఓ యాడ్ కోసం అల్లు అర్జున్ తో కలిసి వర్క్ చేసిన శ్రీలీల.. ఇప్పుడు ఏకంగా వెండితెరపై ఆయనతో కలిసి ఆడిపాడుతోంది.
అయితే పుష్ప 2 స్పెషల్ సాంగ్ కోసం శ్రీలీల తీసుకుంటున్న రెమ్యునరేషన్ ఇప్పుడు ఫిల్మ్ స‌ర్కిల్స్ లో హాట్ టాపిక్ గా మారింది. నాలుగు నిమిషాల పాట కోసం శ్రీలీల ఏకంగా రూ. 2 కోట్లు పారితోషికం అందుకుంటుంద‌ట. కేవ‌లం ఒక్క సాంగ్ కోసం శ్రీలీల మూవీ రేంజ్ లో ఛార్జ్ చేయడంతో సినీ ల‌వ‌ర్స్ ఆశ్చ‌ర్య‌పోతున్నారు. కాగా, పుష్ప 2 లో నేష‌న‌ల్ క్ర‌ష్ ర‌ష్మిక మంద‌న్నా హీరోయిన్ గా.. మ‌ల‌యాళ స్టార్ ఫహాద్ ఫాజిల్ విల‌న్ గా అల‌రించ‌బోతున్నారు. దేవి శ్రీ ప్ర‌సాద్ సంగీత ద‌ర్శ‌కుడిగా వ్య‌వ‌హ‌రిస్తున్నాడు.
