టాలీవుడ్ రౌడీ హీరో విజయ్ దేవరకొండ, పూరీ జగన్నాథ్ ల కాంబోలో తెరకెక్కిన లైగర్ చిత్రంపై భారీ అంచనాలున్న సంగతి తెలిసిందే. చాలాకాలంగా మంచి హిట్ కోసం ఎదురు చూస్తున్న విజయ్ దేవరకొండకు…పూరీ మంచి మాస్ హిట్ ఇవ్వబోతున్నారని ఫ్యాన్స్ ధీమాగా ఉన్నారు. ‘లైగర్’ సినిమా షూటింగ్ కు గుమ్మడికాయ కూడా కొట్టేయడంతో తాజాగా విజయ్ దేవరకొండ తన లుక్ మార్చాడు. ఆ సినిమా కోసం లాంగ్‌ హెయిర్‌తో ఉన్న విజయ్ ఇప్పుడు మిలటరీ హెయిర్‌ కట్‌ చేయించుకొని స్మార్ట్ గా కనిపిస్తున్నాడు.
అయితే, శివ నిర్వాణ దర్శకత్వంలో చేయబోతున్న తన నెక్స్ట్ ప్రాజెక్ట్ కోసమే రౌడీ హీరో క్యూట్ హీరోగా మారాడట. అంతేకాదు, ఈ సినిమాలో విజయ్ సరసన సౌత్ ఇండియా స్టార్ హీరోయిన్ సమంత రూత్ ప్రభు నటించబోతోందని టాక్ వస్తోంది. రౌడీ హీరోతో నటించేందుకు సామ్ కూడా గ్రీన్ సిగ్నల్ ఇచ్చేసిందని టాక్ వస్తోంది. ఈ చిత్ర రెగ్యులర్‌ షూటింగ్ ఏప్రిల్‌లో ఆరంభం కానుందని, ఈ లోపు సమంత ఎంట్రీ గురించి అఫీషియల్ అనౌన్స్ మెంట్ చేస్తారని తెలుస్తోంది.
కశ్మీర్‌ నేపథ్యంలో సాగే అందమైన ప్రేమకథలో విజయ్ దేవరకొండతో సమంత రొమాన్స్ చేయబోతోందట. లైగర్ లో బాక్సర్ గా రఫ్ అండ్ టఫ్ గా రగ్డ్ లుక్ లో ఉన్న రౌడీ హీరో…ఈ సినిమాలో మిలటరీ ఆఫీసర్‌గా కనిపించనున్నాడట. ‘లైగర్’ చిత్రాన్ని ఆగస్టు 25న విడుదల చేసేందుకు ప్లాన్ చేస్తున్నారు. మరోవైపు, లైగర్ తర్వాత పూరి జగన్నాథ్, విజయ్ దేవరకొండల కాంబోలో ‘జనగణ మన’ అనే చిత్రం సెట్స్‌పైకి వెళ్లనుంది.
