నాగ చైతన్యతో విడాకుల తర్వాత సమంత రూత్ ప్రభు తీరు చాలా మారిందన్న టాక్ వచ్చిన సంగతి తెలిసిందే. గతంలో ఎన్నడూ లేనంతగా హాట్ ఫొటోషూట్ లతో సామ్ రెచ్చిపోతోందని సోషల్ మీడియాలో విమర్శలు వచ్చాయి. అయినా వాటిని పట్టించుకోని సమంత తన మానాన తాను తనకు నచ్చినట్లుగా బ్రతికేస్తోంది. గతంలోనూ సోషల్ మీడియాలో ఫుల్ యాక్టివ్గా ఉండే సమంత…ఈ మధ్యకాలంలో సూపర్ యాక్టివ్ గా ఉంటోంది.
ప్రస్తుతం యశోద సినిమా షూటింగ్‌ కోసం నార్త్ ఇండియాలో ఉన్న సమంత…లొకేషన్ లో చేసిన ఓ ఫన్నీ పని సోషల్ మీడియాలో వైరల్ అయింది.
తనలోని మల్టీటాలెంట్ ను బయటపెట్టిన సమంత…తన పర్సనల్ స్టైలిస్ట్ ప్రీతమ్ జుకల్కర్కు హెయిర్ కట్ చేసింది. కత్తెర పట్టుకొని ప్రీతమ్ జుట్టు కత్తిరిస్తున్న వీడియోను ఇన్ స్టా స్టోరీలో పోస్ట్ చేసింది. ‘‘నేను మల్టీటాలెంట్ను… నేను చేసిన పనికి నువ్ ఇంకా నాకు డబ్బులివ్వలేదు’’ అంటూ క్యాప్షన్ ఇచ్చింది. దీనికి ప్రీతమ్ కూడా సరదాగా… ‘‘చంపెయ్’’ అంటూ ఫన్నీగా బదులిచ్చాడు. దీంతో, ఈ వీడియో సోషల్ మీడియాలో వైరల్ అయింది.
అయితే, గతంలో చైతుతో సమంత విడాకులకు ప్రీతమే కారణమంలూ పుకార్లు వచ్చిన సంగతి తెలిసిందే. ఆ పుకార్లపై ప్రీతమ్ స్పందిస్తూ తెగ బాధపడ్డాడు కూడా. తమ మధ్య ఎలాంటి రిలేషన్ ఉందో నాగ చైతన్యకు తెలుని, ఇన్ని రకాల రూమర్లు వస్తున్నా కూడా చై ఖండించకపోవడం బాధగా ఉందంటూ ప్రీతమ్ ఎమోషనల్ కూడా అయ్యాడు. తాను సమంతను అక్కా అని పిలుస్తుంటానని, ఆ విషయం చైతన్యకు కూడా తెలుసంటూ క్లారిటీ ఇచ్చాడు. ఆ సమయంలో సమంత, ప్రీతమ్ లపై రకరకాల పుకార్లు రావడం సమంతను కూడా బాధించింది. ప్రీతమ్ గే అంటూ కొందరు గేలి కూడా చేయడం వైరల్ అయింది. ఈ నేపథ్యంలో తాజాగా ప్రీతమ్ హెయిర్ ను సామ్ కట్ చేయడంతో ఆ వీడియో చర్చనీయాంశమైంది.
https://youtu.be/SuxedMgt218
