‘ఆర్ఆర్ఆర్’ మ్యూజిక్ ఆల్బమ్ నుంచి రెండవ పాట విడుదలైంది. ‘నాటు నాటు’ అనే ఈ మాస్ బీట్ కోసం నందమూరి హీరో, మెగా హీరోల అభిమానులు ఎప్పుడెప్పుడా అని ఎదురుచూస్తున్నారు. వారి పంట పండేలా ఉంది సాయంత్రం విడుదలైన పాట.
ఈ పాట నిస్సందేహంగా కన్నుల పండువగా ఉంటుంది. దీనిని విడుదల చేస్తూ దర్శకుడు రాజమౌళి దీనిని “#RRRMassAnthem అని వ్యాఖ్యానించడం మరింత ఆసక్తికరంగా మారింది.
మాస్ బీట్‌లకు నా డ్యాన్సింగ్ డైనమైట్స్ @tarak9999 మరియు @alwaysramcharanతో కలిసి కాలు కదిలించే సమయం వచ్చింది. అంటూ రాజమౌళి రాసుకొచ్చారు.
ప్రేమ్ రక్షిత్ కొరియోగ్రఫీ చేసిన ఈ పాటకు చరణ్ మరియు తారక్ ఇద్దరూ పర్ ఫెక్ట్ సింక్ తో ఉర్రూతలూగించారు. రాహుల్ సిప్లిగంజ్ మరియు కాల భైరవ ఈ ‘RRR’ మాస్ గీతాన్ని పాడారు.
ఈ హై ఎనర్జిటిక్ సాంగ్ ని మరింత హై ఎనర్జీతో ఎన్టీఆర్ చరణ్ తమ అత్యుత్తమ ప్రదర్శనతో అదరగొట్టారు. విజువల్స్ సమ్మోహనంగా ఉన్నాయి. చరణ్ మరియు తారక్ అద్భుతమైన కెమిస్ట్రీ మరియు ఎనర్జీని ప్రదర్శించారు.
ఓవరాల్‌గా ‘నాటు నాటు’ పాట పూర్తిగా మాస్డ్ ప్యాక్‌గా ఉంది. అంతా ఓకే గాని ఈ మోడ్రన్ పాటను సినిమాలో ఎక్కడ సింక్ చేస్తారబ్బా అని అందరూ ఆసక్తిగా ఎదురుచూస్తున్నారు. ముందు మీరయితే పాట చూడండి.
