సంచలనాలకు కేరాఫ్ అడ్రస్ గా నిలుస్తూ.. నిత్యం ఏదోలా వార్తల్లో రావటం వివాదాలతో సహజీవనం చేసే రాంగోపాల్ వర్మకు తెలిసినంత బాగా మరెవరికీ తెలీదు. ఆయన ఏదైనా సినిమా షూట్ లో బిజీగా ఉంటే.. బయట ప్రపంచంతో తనకే మాత్రం సంబంధం లేనట్లుగా పనిలో మునిగిపోవటం చేస్తుంటారు.
కానీ.. తాను చేస్తున్న సినిమా షూట్ పూర్తైతే మాత్రం.. ఇక ఆయన ఆగలేరని చెబుతారు. ఏదోలా తాను చేసే యాక్టివిటీస్ గురించి నలుగురు చర్చించేలా చేయటమే కాదు.. అదో వివాదంగా మారేలా చేయటంలో వర్మకు మించినోళ్లు ఉండరనే చెప్పాలి. దీంతో ఆయన పూర్తి చేసిన సినిమా గురించి అందరూ మాట్లాడుకునేలా చేస్తుంటారు.
తాజాగా ఆయన ‘కొండా’ మూవీకి సంబంధించి షూటింగ్ పూర్తి చేయటం.. జనవరి 26న కొండా నివాసంలో ఈ సినిమాకు సంబంధించిన కార్యక్రమానికి హాజరు కావడం.. లాంటి వాటితో బిజీబిజీగా ఉండటం తెలిసిందే.
చిత్ర ట్రైలర్ రిలీజ్ సందర్భంగా కొండా సురేఖ మాట్లాడుతూ.. సినిమాకు సంబంధించి ఒక సీన్ గురించి చెబుతుంటే.. కథను ఎలా రివీల్ చేస్తారంటూ బ్రేకులు వేశారు. సినిమా నిర్మాణంతో ఫుల్ బిజీగా ఉన్న ఆయన కాస్తంత చిల్ అవుట్ అవ్వాలనుకున్నారేమో కానీ .. తాజాగా ఒక పబ్ కు వెళ్లి ఆయన చేసిన హడావుడి అంతా ఇంతా కాదు.
ఫిఫ్టీ ప్లస్ లో అమ్మాయిలతో కలిసి ప్లేబాయ్ ను తలపించేలా ఆయన చేసిన యవ్వారాలు సంచలనంగా మారాయి. దీనికి సంబంధించిన ఫోటోలు.. వీడియో ఇప్పుడు హాట్ టాపిక్ గా మారాయి.
ముసలోడికి దసరా పండగ…ఆంటే ఇదే
— SATYA (@rudransh1402) January 27, 2022
అందాల భామలు చుట్టూ పెట్టుకొని.. వారికి అత్యంత సన్నిహితంగా ఉన్న వర్మ.. హగ్గులతో.. కిస్సులతో చెలరేగిపోయారు. ఆ హ్యాపీ మూమెంట్స్ ను అందరికి షేర్ చేసుకునేందుకు వీలుగా సదరు వీడియోను పోస్టు చేశారు. ఇందులో అమ్మాయిల మధ్య వర్మ మెరిసిపోవటమే కాదు.. వారిని ఘాటు ముద్దులతో రచ్చ చేస్తున్నట్లుగా చెప్పే ఫోటోను పోస్టు చేశారు. ఒక బుల్లి వీడియోను తన సోషల్ మీడియా అకౌంట్ ద్వారా షేర్ చేశారు.
ఎవరేం అనుకున్నా.. తనకు నచ్చింది నచ్చినట్లుగా చేస్తూ.. జీవితం ఉన్నది హ్యాపీగా ఎంజాయ్ చేయటానికే అన్నట్లుగా ఆయన వ్యవహరించే తీరు.. ఆయన చెప్పే థియరీలు పలువురిని ఆకర్షిస్తుంటే.. మరికొందరు తిట్టి పోసేలా చేస్తుంటాయి. ఏమైనా.. తాను చేసే ప్లే బాయ్ పనుల్ని నిర్మోహమాటంగా బయటకు చెప్పేందుకు వెనుకాడని వర్మ.. తాజా ట్వీట్ తో నెటిజన్లకు ఒక సవాలు కూడా విసిరారు. తాను పోస్టు చేసిన పోస్టుకు సరైన టైటిల్ పెడితే.. రూ.లక్ష బహుమానంగా ఇస్తానని ప్రకటించారు.
అంతా నా ఇష్టం.. నాకు నచ్చినట్లే చేస్తానని మాటలతోనే కాదు.. చేతల్లోనూ అదే తీరును ప్రదర్శించే వర్మ.. ఈ మధ్యనే ఫుల్ గా తాగేసి.. ఒక ప్రైవేటు పార్టీలో చెలరేగిపోవటం.. ఒక నటికి దండాలు పెట్టడం.. ఆమె అందానికి దాసోహం అయ్యానన్నట్లుగా చేసిన చేష్టలు అప్పట్లో దుమారంగా మారాయి.
తాజాగా పబ్ లో ముద్దుగుమ్మలతో వర్మ పండించిన రొమాన్సు.. దానికి సంబంధించిన సోషల్ మీడియాలో పోస్టు చేసిన ఫోటోలతో ఒక్కొక్కరు ఒక్కోలా రియాక్టు అవుతున్నారు. ఏమైనా.. జల్సా వర్మ.. తానేమిటన్న విషయాన్ని మరోసారి ఫోటోలు.. వీడియోతో ఓపెన్ గా చెప్పేశారని చెప్పాలి. జీవితాన్ని ‘అనుభవించు రాజా’ అనే దానికి నిలువెత్తు నిదర్శనంగా వర్మ నిలుస్తారని చెప్పక తప్పదు.
