The great James Cameron watched RRR.. He liked it so much that he recommended to his wife Suzy and watched it again with her.🙏🏻🙏🏻
Sir I still cannot believe you spent a whole 10 minutes with us analyzing our movie. As you said I AM ON TOP OF THE WORLD… Thank you both 🥰🥰🤗🤗 pic.twitter.com/0EvZeoVrVa
— rajamouli ss (@ssrajamouli) January 16, 2023
గత కొన్ని గంటల నుంచి సోషల్ మీడియాను ఒక వీడియో షేక్ చేసేస్తోంది. టెర్మినేటర్, టైటానిక్, అవతార్ లాంటి ఆల్ టైం మెగా హిట్లు ఇచ్చిన లెజెండరీ హాలీవుడ్ డైరెక్టర్ జేమ్స్ కామెరూన్.. మన దర్శకుడైన రాజమౌళిని పొగడ్తల్లో ముంచెత్తుతున్న వీడియో అది.
రాజమౌళి కొత్త సినిమా ‘ఆర్ఆర్ఆర్’ను తన భార్యతో కలిసి స్పెషల్ స్క్రీనింగ్‌లో చూసిన అనంతరం ఒక సగటు ప్రేక్షకుడిలా ఎగ్జైట్ అవుతూ రాజమౌళితో మాట్లాడుతూ ఆయన్ని కామెరూన్ ప్రశంసల్లో ముంచెత్తిన వీడియో సోషల్ మీడియాలో వైరల్ అవుతోంది. అంత పెద్ద డైరెక్టర్.. మన దర్శకుడి సినిమా చూసి అంతగా ఎగ్జైట్ అవడం అన్నది ఊహకందని విషయం.
కామెరూన్ సంగతి పక్కన పెడితే.. హాలీవుడ్లో కాస్త పేరున్న దర్శకుడు మన సినిమాను చూడడం.. దాని గురించి మాట్లాడడం అన్నది కూడా మన ఊహల్లో ఉండదు. అలాంటిది కామెరూన్ అంతటి వాడు జక్కన్న గురించి ఇంత గొప్పగా మాట్లాడడం అబ్బురపరిచే విషయమే.
కామెరూన్.. రాజమౌళితో మాట్లాడుతున్న ఫొటోలు ఇంతకుముందే మీడియాలోకి వచ్చాయి. ఐతే ఏదో క్యాజువల్‌గా రెండు మూడు ముక్కలు మాట్లాడి ఉంటారేమో అనుకున్నారు. కానీ ఇలా సినిమాలో టైటిల్ కాన్సెప్ట్ సహా ప్రతి విషయం గురించి.. బ్యాగ్రౌండ్ స్కోర్ గురించి ఇంత వివరంగా.. ఇంత ఎగ్జైట్ అవుతూ మాట్లాడి రాజమౌళిని, కీరవాణిని కొనియాడడం చూసి జక్కన్నతో పాటు భారతీయ సినిమాను అభిమానించే ప్రతి ఒక్కరూ అబ్బురపడుతున్నారు.
ఈ మాటలు విన్నాక ‘ఆర్ఆర్ఆర్’కు కొన్ని విభాగాల్లో ఆస్కార్ అవార్డులు వచ్చే అవకాశాలు మరింత బలపడ్డట్లు అనిపిస్తోంది. కానీ ఒకవేళ ఆస్కార్ రాకపోయినా సరే.. కామెరూన్ లాంటి లెజెండరీ డైరెక్టర్ సినిమా గురించి ఇంత గొప్పగా మాట్లాడడం అకాడమీ అవార్డును మించిన గౌరవం అనడంలో సందేహం లేదు. అందుకే రాజమౌళి సైతం ఈ మాటలు తనకు పెద్ద అవార్డును మించినవని పేర్కొన్నాడు. ఒకవేళ ఆస్కార్ అవార్డులు వస్తే అది బోనస్ అనే అనుకోవాలి.
"If you ever wanna make a movie over here, let's talk"- #JamesCameron to #SSRajamouli. 🙏🏻🙏🏻
Here’s the longer version of the two legendary directors talking to each other. #RRRMovie pic.twitter.com/q0COMnyyg2
— RRR Movie (@RRRMovie) January 21, 2023
