బాహుబలి ఆలియాస్ డార్లింగ్ ప్రభాస్ పెట్టిన ఒక పోస్ట్ అభిమానులను, ఇంటర్నెట్ ను షేక్ చేస్తుంది. “డార్లింగ్స్ ఎట్టకేలకు మన లైఫ్లోకి ఓ ప్రత్యేకమైన వ్యక్తి రానున్నారు. వెయిట్ చేయండి” అంటూ పెట్టిన పోస్ట్ అందరినీ ఆశ్చర్యపరుస్తుంది. అసలు ప్రభాస్ పెట్టిన పోస్ట్ ఉద్దేశం ఏంటి అని నెటిజన్లు రకరకాల విశ్లేషణలు చేస్తున్నారు. అయితే, అందరూ అనుకున్నట్లు అది ప్రభాస్ పెళ్లి గురించిన పోస్ట్ కాదని ప్రభాస్ స్వయంగా తేల్చేశాడు.
తాజాగా మరో పోస్ట్ పెట్టి ఊహాగానాలకు చెక్ పెట్టాడు. కల్కి చిత్రం ప్రమోషన్స్ లో భాగంగా ఆ చిత్రం నుంచి హీరోయిన్ బుజ్జి ఇంట్రడక్షన్ పోస్టర్ రాబోతోందని ప్రభాస్ తాజాగా చెప్పాడు. ఇన్ స్టా స్టోరీలో పోస్ట్ పెట్టాడట. ఇప్పుడు ఆ కారెక్టర్ పేరు కూడా చెప్పేశారు. భైరవకి జోడిగా బుజ్జి ఈ చిత్రంలో నటిస్తోందట. బుజ్జి పాత్రకు సంబంధించిన పోస్టర్ రేపు సాయంత్రం అంటే శనివారం (మే 18) సాయంత్రం ఐదు గంటలకు పోస్టర్‌ను రిలీజ్ చేయబోతోన్నట్టుగా ప్రకటించారు. దీంతో, ప్రభాస్ పెళ్లిపై పుకార్లు..పుకార్లుగానే మిగిలాయి.
ప్రభాస్ పెళ్లి కోసం ఫ్యాన్స్ ఎప్పటి నుండో వెయిటింగ్. నాలుగు పదులు దాటి 44 ఏళ్లకు చేరినా ఇంకా ఆయన పెళ్లి గురించి ఏమీ చెప్పడం లేదని అభిమానులు, సినీ ప్రేక్షకులు ఎదురుచూస్తున్నారు. ఈ నేపథ్యంలో ఈ పోస్ట్ పెళ్లి గురించేనని అందరూ భావిస్తున్నారు. అయితే మహానటి ఫేమ్ నాగ్ అశ్విన్ తెరకు ఎక్కిస్తున్న కల్కి 2898 కు సంబంధించిన అప్ డేట్ గురించేనని మరికొందరు అంటున్నారు.
ప్రభాస్ ప్రముఖ నటుడు కమల్ హాసన్ కు ఫ్యాన్. ఈ సినిమాలో వీరితో పాటు బిగ్ బీ అమితాబ్ బచ్చన్, దీపికా పదుకొణె, దిశా పటానీలు నటిస్తున్నారు. సినిమాలో కమల్ హాసన్ ఎంట్రీ గురించి చెప్పి ఉంటారని అంటున్నారు. జూన్ 27న ప్రపంచవ్యాపితంగా ఈ సినిమా విడుదల కాబోతున్నది.
