టాలీవుడ్ స్టార్ హీరోయిన్ లలో నెంబర్ వన్ స్దానానికి పోటి పడుతోంది పూజా హేగ్దే .
వరస పెట్టి మహర్షి, అల వైకుంఠపురములో చిత్రాలలో బ్యాక్ టూ బ్యాక్ హిట్లను అందుకున్న ఈ భామ.. ఇప్పుడు టాప్ ప్లేస్ లోకి దూసుకుపోతోంది.
ప్రస్తుతం వరుస సినిమాలతో బిజీ అయిపొయ్యిపోయిన ఆమె అక్కినేని అఖిల్ సరసన ‘మోస్ట్ ఎలిజిబుల్ బ్యాచ్ లర్’, ప్రభాస్ సరసన ‘రాధే శ్యామ్’ అనే సినిమాలో నటిస్తోంది. ‘రాధే శ్యామ్’ లో ఆమె పాత్ర గురించి కొద్దిపాటి డిటేల్స్ బయిటకు వచ్చాయి.
మరి అఖిల్ సరసన చేస్తున్న ‘మోస్ట్ ఎలిజిబుల్ బ్యాచ్ లర్’ లో ఆమె పాత్ర ఏమిటి అనే దానిపై ఆమె క్లారిటీ ఇచ్చే ప్రయత్నం చేసింది అదేంటో చూద్దాం.
అందుతున్న సమాచారం మేరకు ఈ సినిమాలో పూజ ..ఓ స్టాండప్ కమిడియన్ గా కనిపించనుంది. ఈ పాత్ర కోసం దర్శకుడు భాస్కర్ మొదట ఓ కొత్త హీరోయిన్ ని తెద్దామనుకున్నారు. వంద మందికి పైగా నటీనటులను, మోడల్స్ ని ఆడిషన్ చేసారు. కానీ చివరకు పూజ దగ్గర ఆగారు.
పూజ మాట్లాడుతూ..” కెమెరా ఎదురుగా ఓ స్టాండప్ కమిడియన్ గా నటించాలంటే చాలా చాలా కష్టం. ఎందుకంటే కమిడియన్స్ స్టాండప్ కామెడీ చేసేముందు రిహార్శల్స్, ప్రాక్టీస్ చేసుకుని వస్తారు. అయితే ఈ సినిమాలో ఈ సినిమాలో నడిచే కామెడీ షోలో భాగంగా కొన్ని జోక్స్, పంచ్ లైన్స్ బిల్డ్ చేసుకోవాల్సి వచ్చింది. నాచురల్ గా అనిపించకపోతే ఆ క్యారక్టర్ ఫెయిలవుతుంది ” అంటూ చెప్పుకొచ్చింది.
బొమ్మరిల్లు’ భాస్కర్ దర్శకత్వంలో తెరకెక్కుతోన్నఈ సినిమాని అల్లు అరవింద్‌ సమర్పణలో జీఏ2 పిక్చర్స్‌ పతాకంపై ‘బన్నీ’ వాసు, వాసు వర్మ కలిసి నిర్మిస్తున్నారు. ఈ సినిమాను జూన్ 19,2021న విడుద‌ల చేయటానికి నిర్మాతలు స‌న్నాహ‌లు చేసారు.కానీ ఇప్పుడున్న కరోనా పరిస్దితుల్లో కష్టమే అనిపిస్తోంది. ఇక ఈ సినిమాలో మురళీ శర్మ కీలక పాత్రలో నటిస్తున్నారు. ఈ సినిమాపై అఖిల్ భారీ ఆశలే పెట్టుకున్నాడు. “మోస్ట్ ఎలిజిబుల్ బ్యాచ్ లర్” సినిమా అనౌన్స్ ఐనా దగ్గర నుంచి అక్కినేని అభిమానుల్లో ఫుల్ క్రేజ్ ఏర్పడిన సంగతి తెలిసిందే.
