ఫ్టైట్ లో నగ్నంగా పరుగులు.. ప్రయాణికులకు టెన్షన్ తో వణికారు
ఇటీవల కాలంలో విమానాల్లో చోటు చేసుకుంటున్న వరుస పరిణామాలు సంచలనంగా మారుతున్నాయి. అత్యవసర ద్వారాన్ని తెరిచే ప్రయత్నం చేయటం.. ప్రయాణికుల్ని భయభ్రాంతులకు గురి చేయటం.. సిబ్బందిని గాయపర్చటం లాంటి ఉదంతాలు వరుసగా జరుగుతున్నాయి. తాజాగా అలాంటిదే ఆస్ట్రేలియా విమానంలో చోటు చేసుకుంది. ఒక ప్రయాణికుడి అతి మిగిలిన ప్రయాణికులకు చుక్కలు చూపించాయి. ఇంతకూ అసలేం జరిగిందంటే..
ఆస్ట్రేలియాలోని పెర్త్ నుంచి మెల్ బోర్న్ కు బీఏ 696 ఫ్లైట్ లో బయలుదేరారు. విమానం టేకాఫ్ చేసుకున్న కాసేపటికే ఒక ప్రయాణికుడు వింతగా ప్రవర్తించటం షురూ చేశాడు. అంతేనా.. తన ఒంటి మీద ఉన్న దుస్తుల్ని తొలగించి.. నగ్నంలో విమానంలో అటూ ఇటూ తిరుగుతూ పరిగెత్తాడు.
దీంతో.. అతగాడి తీరుకు వణికిన ప్రయాణికులు హడలెల్తిపోయారు. అంతేకాదు.. ఇతగాడి చర్యలతో విమానాన్ని అత్యవసరంగా వెనక్కి మళ్లించారు. విమాన సిబ్బంది నుంచి అందుకున్న సమాచారంతో విమానం ల్యాండ్ అయ్యే సమయానికి పోలీసులు సిద్ధంగా ఉన్నారు. వెంటనే సదరు వ్యక్తిని అదుపులోకి తీసుకున్న పోలీసులు.. అతడ్ని ఎయిర్ పోర్టు నుంచి తరలించారు.
ఇంతకూ సదరు ప్రయాణికుడు వింతగా ఎందుకు ప్రవర్తించాడు? అన్నది పెద్ద ప్రశ్నగా మారింది.
ఈ ఘటనపై స్పందించిన సదరు విమానయాన సంస్థ.. తమ ప్రయాణికులకు కలిగిన అసౌకర్యానికి చింతిస్తున్నట్లుగా పేర్కొన్నారు. లక్కీగా ఈ ఉదంతంలో ఎవరికి ఎలాంటి గాయాలు కాకుండా బయటపడ్డారు. ఈ ఉదంతం ఇప్పుడు వైరల్ గా మారింది.
