మిగతా ఓటీటీలు డిజిటల్ డీల్స్ విషయంలో కొంచెం ఆచితూచి వ్యవహరిస్తున్న టైం లో నెట్ ఫ్లిక్స్ ఇదే అదనుగా విజృంభించాలని చూస్తోంది. చాలా ముందుగానే పెద్ద సినిమాలు, క్రేజీ చిత్రాల డిజిటల్ హక్కులను సొంతం చేసుకుని వాటి గురించి అనౌన్స్మెంట్లు ఇచ్చేస్తుంది. ఆల్రెడీ సంక్రాంతి టైంలో ఈ ఏడాది తమ ఓటిటిలో రిలీజ్ అయ్యే తెలుగు చిత్రాల గురించి ఇంట్రెస్టింగ్ అప్డేట్స్ ఇచ్చింది నెట్ ఫిక్స్.
పుష్ప ది రైజ్, దేవర, బాలకృష్ణ బాబీ చిత్రం.. ఇలాంటి భారీ సినిమాలే కాక టిల్లు స్క్వేర్, గ్యాంగ్స్ ఆఫ్ గోదావరి లాంటి క్రేజీ చిత్రాలు జాబితాలో ఉన్నాయి. తెలుగు సినిమాల అప్డేట్ తర్వాత తాము ఈ ఏడాది రిలీజ్ చేయబోయే తమిళ సినిమాల గురించి కూడా నెట్ ఫ్లిక్స్ సమాచారం ఇచ్చింది. నెట్ ఫ్లిక్స్ పండగ అని హాష్ టాగ్ పెట్టి తెలుగు సినిమాల గురించి అప్డేట్స్ పంచుకున్న ఆ సంస్థ నెట్ ఫ్లిక్స్ పండగై అంటూ తమిళ చిత్రాల గురించి సమాచారం ఇచ్చింది.
కమల్ హాసన్- శంకర్ క్రేజీ కాంబినేషన్లో తెరకెక్కుతున్న ఇండియన్-2తో పాటు.. అజిత్ కొత్త చిత్రం విడా ముయర్చి.. విక్రమ్ సినిమా తంగలాన్.. కీర్తి సురేష్ మూవీ రివాల్వర్ రీటా.. శివ కార్తికేయన్ కొత్త చిత్రం.. ఇలా క్రేజీ ప్రాజెక్టులు చాలానే ఉన్నాయి. దీని తర్వాత హిందీలోనూ తాము రిలీజ్ చేసే భారీ చిత్రాల వివరాలు వెల్లడించబోతోంది నెట్ ఫ్లిక్స్. మొత్తానికి 2024లో నెట్ ఫ్లిక్స్ దూకుడు మామూలుగా ఉండబోదన్న మాటే.
