అఖండ, వీర సింహా రెడ్డి, భ‌గ‌వంత్ కేస‌రి చిత్రాల‌తో చాలా కాలం త‌ర్వాత హ్య‌ట్రిక్ విజ‌యాలు అందుకున్న న‌ట‌సింహం నంద‌మూరి బాల‌కృష్ణ.. ప్ర‌స్తుతం బాబీ కొల్లి ద‌ర్శ‌క‌త్వంలో ఓ సినిమా చేస్తున్న సంగ‌తి తెలిసిందే. బాల‌య్య, బాబీ కాంబోలో వస్తున్న తొలి ప్రాజెక్ట్ ఇది. `NBK 109` వ‌ర్కింగ్ టైటిల్ తో చిత్రీక‌ర‌ణ జ‌రుపుకుంటున్న ఈ చిత్రాన్ని శ్రీకర స్టూడియోస్ సమర్పణలో సితార ఎంటర్టైన్మెంట్స్, ఫార్ట్యూన్ ఫోర్ బ్యానర్స్ పై నాగవంశీ, సౌజన్య సంయుక్తంగా నిర్మిస్తున్నారు.
ద‌స‌రా పండ‌క్కి టైటిల్ అనౌన్స్‌మెంట్ ఉంటుంద‌ని నంద‌మూరి ఫ్యాన్స్ భావించారు. కానీ టీజ‌ర్ మ‌రియు టైటిల్ ను దీపావ‌ళికి రివీల్ చేయాల‌ని మేక‌ర్స్ భావిస్తున్నారు. ఇదిలా ఉండ‌గానే.. బాల‌య్య, బాబీ సినిమా కోసం ప్ర‌స్తుతం రెండు టైటిల్స్ ప‌రిశీలిస్తున్నార‌ట. అందులో ఒక‌టి `స‌ర్కార్ సీతారామ్` కాగా.. మ‌రొక టైటిల్ `డాకూ మ‌హారాజా`. ఈ రెండింటిలో ఒక టైటిల్ ను ఫిక్స్ చేయ‌బోతున్నార‌ట.
మ‌రి బాల‌య్య అండ్ టీమ్ ఏ టైటిల్ కు ఓటేస్తారో తెలియాలంటే దీపావ‌ళి వరకు వెయిట్ చేయాల్సిందే. ఫ్యాన్స్ మాత్రం డాకూ మ‌హారాజానే బాగుంద‌ని సోష‌ల్ మీడియా ద్వారా త‌మ అభిప్రాయం వ్య‌క్తం చేస్తున్నారు. కాగా, బాల‌య్య, బాబీ సినిమా 2025 సంక్రాంతికి సంద‌డి చేసే అవ‌కాశాలు క‌నిపిస్తున్నాయి. అలాగే ఈ చిత్రంలో హీరోయిన్ ఎవ‌రు అన్న‌ది ఇంకా వెల్ల‌డి కాలేదు. ప్ర‌తినాయ‌కుడిగా బాలీవుడ్‌ స్టార్‌ బాబీ డియోల్ న‌టిస్తున్నారు. స్పెష‌ల్ సాంగ్ కోసం ఊర్వశి రౌటేలాను ఎంపిక చేశారు. థ‌మ‌న్ సంగీతం అందిస్తున్నారు.
