ఆగస్టు నెలలో విడుదలైన సూపర్ హిట్ చిత్రాల్లో ఆయ్ ఒకటి. ఎన్టీఆర్ బావమరిది నార్నె నితిన్ హీరోగా తెర‌కెక్కిన రెండో చిత్రమిది. అంజి కె.మణిపుత్ర డైరెక్ట్ చేసిన ఈ చిత్రంలో నితిన్ కు జోడిగా నయన్ సారిక న‌టించ‌గా.. అంకిత్ కొయ్య, కసిరాజు, వినోద్ కుమార్, మైమ్ గోపీ త‌దిత‌రులు ఇత‌ర ముఖ్య‌మైన పాత్ర‌ల‌ను పోషించారు. గీతా ఆర్ట్స్ 2 బ్యానర్ పై బన్నీ వాసు, విద్య కొప్పినీడి సంయుక్తంగా నిర్మించిన ఆయ్ మూవీ.. ఆగస్టు 15న రవితేజ మిస్టర్ బచ్చన్, రామ్ డబుల్ ఇస్మార్ట్, విక్రమ్ తంగలాన్ వంటి పెద్ద చిత్రాల‌తో పోటీ ప‌డుతూ బ‌రిలోకి దిగింది.
ఆయ్ సినిమాకు టాక్ పాజిటివ్ గా వ‌చ్చినా మొద‌టి రోజు స‌రిగ్గా థియేట‌ర్స్ రాలేదు. కానీ మిస్టర్ బచ్చన్, డబుల్ ఇస్మార్ట్ చిత్రాలు నెగ‌టివ్ టాక్ తో బాక్సాఫీస్ వ‌ద్ద బోల్తా ప‌డ‌టం, తంగలాన్ టాక్ బాగున్నా పెద్దగా ఇంప్యాక్ట్ చూప‌కపోవ‌డంతో.. ఆయ్ మూవీ విజృంభించింది. బాక్సాఫీస్ వ‌ద్ద అదిరిపోయే వ‌సూళ్ల‌తో సూపర్ హిట్ గా నిలిచింది.
ఇక ఇప్పుడు ఆయ్ ఓటీటీలో సంద‌డి చేసేందుకు సిద్ధం అయింది. ఈ చిత్రం యొక్క డిజిట‌ల్ రైట్స్ ను ప్ర‌ముఖ దిగ్గ‌జ ఓటీటీ ఫ్లాట్ ఫామ్ నెట్‌ఫ్లిక్స్ సొంతం చేసుకుంది. అయితే సెప్టెంబ‌ర్ 12న నెట్‌ఫ్లిక్స్ లో ఆయ్ మూవీని స్ట్రీమింగ్ చేయ‌బోతున్న‌ట్లు నెట్‌ఫ్లిక్స్ అఫీషియల్ గా ప్ర‌క‌టించింది. సో.. థియేట‌ర్స్ లో మిస్ అయిన వారు ఈ నెల 12న నెట్‌ఫ్లిక్స్ ను ఆయ్ ను చూసి ఎంజాయ్ చేసేయండి. అన్న‌ట్లు మాస్ మ‌హారాజా రవితేజ, హ‌రీష్ శంక‌ర్ కాంబోలో తెర‌కెక్కిన హ్యాట్రిక్ మూవీ మిస్టర్ బచ్చన్ కూడా అదే రోజు నెట్‌ఫ్లిక్స్ లో రిలీజ్ కాబోతోంది. తెలుగులోనే కాకుండా ఈ చిత్రాన్ని తమిళ్, కన్నడ, మళయాళ భాషల్లో కూడా అందుబాటులోకి తీసుకొస్తున్నారు.
