టీడీపీ యువ నాయ‌కుడు నారా లోకేష్ చేప‌ట్టిన యువగళం పాదయాత్ర ట్రెండింగులో ఉంది. ట్వీట్ట‌ర్‌లో ఎక్కువ మంది ఫాలో అవుతున్న జాబితాలో యువగళం చేరింది. ఈ ఏడాది జ‌న‌వ‌రి 27న యువగళం పాదయాత్ర ప్రారంభించినప్పటి నుంచి అనేక అడ్డగింతలను దాటుకుని ముందుకు సాగుతున్న యువగళం పాదయాత్ర మంగ‌ళ‌వారం మరోమైలురాయిని చేరుకుంది. తాజాగా నెల్లూరు జిల్లాలో 2000 కిలోమీటర్ల పాదయాత్ర పూర్తి కానుంది.
నిర్దేశిత యువగళం లక్ష్యంలో ఇప్ప‌టికే 50 శాతం పూర్తి చేసేసిన‌ట్టు అవుతుంది. వాస్త‌వానికి షెడ్యూల్ క‌న్నా ఇది ముందుగానే పూర్తి చేసిన‌ట్టు గ‌మ‌నార్హం. అలాగే పాదయాత్రలో ప్రతీ 100 కిలోమీటర్లకు ఒక్కో హామీ ఇచ్చుకుంటూ వస్తున్న యువనేత.. టీడీపీ అధికారంలోకి వచ్చాక వాటిని నెెరవేరుస్తామంటూ శిలాఫలకా లను ఏర్పాటు చేస్తున్నారు. తాజాగా పాదయాత్ర 2000కిలో మీటర్లు పూర్తి చేసుకున్న నేపథ్యంలో ట్విట్టర్లో ట్రెండింగ్లో ఉంది.
ట్విట్టర్లో దేశవ్యాప్తంగా #2000kmsOfYuvaGalam అనే యాష్ టాగ్ 4వ స్థానంలో ట్రెండ్ అవుతుంది. టీడీపీ జాతీయ ప్రధాన కార్యదర్శి నారా లోకేష్ యువగళం పాదయాత్ర సందర్భంగా ట్విట్టర్ వేదికగా #2000kmsOfYuvaGalam అనే యాష్ టాగ్తో వేల సంఖ్యలో టీడీపీ అభిమానులు, ఏపీ ప్రజలు ట్వీట్స్ చేస్తూ.. పాదయాత్రకి తమ సంఘీభావం తెలుపుతున్నారు. మ‌రోవైపు.. నంద‌మూరి కుటుంబం కూడా.. ఈ రోజు పాదయాత్రలో పాల్గొననుంది. అదేవిధంగా నారా కుటుంబం నుంచి రోహిత్ స‌హా నారా లోకేష్ మాతృమూర్తి భువ‌నేశ్వ‌రికూడా.. యాత్ర‌లో సంఘీభావంగా న‌డ‌వ‌నున్నారు.
