ఎంతో కాలం నుంచి తెలుగుదేశం కుటుంబం వేలాది మంది పిల్లల భవిష్యత్తును తీర్చిదిద్దుతు వచ్చింది
ఎన్టీఆర్ మెమోరియల్ ట్రస్టు ద్వారా వేలాది పిల్లలు ఉచితంగా చదువుకుని ఉన్నత స్థానాలు అధిరోహించారు.
తాజాగా ఆ ట్రస్ట్ నుంచి మరో శుభవార్త వెలువడింది.
ఎన్టీఆర్ మెమోరియల్ ట్రస్ట్ మేనేజింగ్ ట్రస్టీ నారా భువనేశ్వరి కృష్ణా జిల్లా చల్లపల్లి ఎన్టీఆర్ హైస్కూల్లో ఉచిత అడ్మిషన్స్ కోసం నోటిఫికేషన్ విడుదల చేశారు.
ఇందులో డే – స్కాలర్స్గా 6 నుంచి 9 తరగతి చదివే స్థానిక విద్యార్ధులకు ఉచిత విద్య అందివ్వాలని నిర్ణయించారు. తరగతికి పది మంది చొప్పున 40 మందిని ఎంపిక చేసి.. వారికి ఉచిత విద్యను అందించాలని నిర్ణయించినట్లు ఆమె తెలిపారు.
ఒకవేళ ఎక్కువ మంది ఆసక్తి చూపితే సెప్టెంబర్ 25వ తేదీన ప్రతిభ పరీక్ష ద్వారా ఎంపిక చేయనున్నట్లు ఆమె తెలిపారు.
అర్హత, ఆసక్తి కలిగిన విద్యార్ధినీ విద్యార్ధులు.. చల్లపల్లి ఎన్టీఆర్ ఉన్నత పాఠశాల ప్రిన్సిపల్ను సంప్రదించి సెప్టెంబర్ 22వ తేదీలోపు పేరు నమోదు చేసుకోవాలని సూచించారు.
ఎన్టీఆర్ మెమోరియల్ ట్రస్ట్ ద్వారా 2005వ సంవత్సరం నుంచి ఎంతోమంది అనాథ, నిరుపేద బాలబాలికలకు ఉచిత విద్యను అందిస్తున్నారు.
