ఎట్టకేలకు, మెగా పవర్‌స్టార్ రామ్ చరణ్ మెగాస్టార్ చిరంజీవి ‘ఆచార్య’ చిత్రీకరణలో ఎంటరయ్యారు. కొరటాల శివ దర్శకత్వం వహిస్తున్న ఈ సినిమా చిరంజీవికి ప్రతిష్టాత్మకంగా మారింది. కాజల్ అగర్వాల్ మరోసారి చిరుతో ఈ సినిమాలో జతకట్టింది.
మణిశర్మ సంగీతం అందిస్తున్న ఈ హై వోల్టేజ్ యాక్షన్ ఎంటర్టైనర్ చిరంజీవి అభిమానులను ఉర్రూతలూగిస్తోంది. పైగా రాంచరణ్ కూడా ఇందులో నటిస్తుండటంతో అంచనాలు భారీగా ఉన్నాయి.
రామ్ చరణ్ టాకీ పార్ట్ ను మొదటి షెడ్యూల్ లో షూట్ చేయనుండగా మిగతా వివరాలు త్వరలో వెల్లడవుతాయి. ఈ సినిమా కోసం హైదరాబాద్ శివార్లలో 25 కోట్ల విలువైన భారీ సెట్ నిర్మించారు. సినిమాలో ఎక్కువ భాగం అక్కడే పూర్తవుతుంది.
ఈ సినిమాను నిరంజన్ రెడ్డి, రామ్ చరణ్ నిర్మిస్తున్నారు. సందేశాలతో కూడి కమర్షియల్ సినిమాలను తీసే కొరటాల ‘ఆచార్య’తో చిరు ఇమేజ్ ను రెట్టింపుచేస్తారా… ఏమోచూడాలి మరి. సమ్మర్ కి రాబోయే భారీ సినిమా ఇది.
