మంచు విష్ణుకు మ‌నోజ్ ఛాలెంజ్‌..!

మంచు వారి ఫ్యామిలీ వివాదం రోజురోజుకు ముదురుతుందే త‌ప్ప స‌ద్దుమ‌న‌గ‌డం లేదు. రీసెంట్ గా తాత‌య్య‌, నాన‌మ్మల‌కు నివాళుల‌ర్పించేందుకు రంగంపేట‌లోని మోహ‌న్ బాబు యూనివ‌ర్సిటికీ మ‌నోజ్ దంప‌తులు వెళ్ల‌గా.. వివాదం మ‌ళ్లీ మొద‌లైంది. ప్ర‌స్తుతం మంచు విష్ణు, మంచు మ‌నోజ్ మ‌ధ్య సోష‌ల్ మీడియా వేదిక‌గా వార్ న‌డుస్తోంది. చివ‌ర‌కు ఒక‌రినొక‌రు కుక్క‌తో పోల్చుకుంటూ విమ‌ర్శ‌లు చేసుకునే స్థితికి దిగ‌జారిపోయారు.

తాజాగా అన్న మంచు విష్ణుకు మ‌నోజ్ ఛాలెంజ్ విరిసిరాడు. విష్ణుకు విస్మిత్ (VisMith) అని పేరు పెట్టిన మ‌నోజ్‌.. శ‌నివారం ఉద‌యం సెటైరిక‌ల్ గా ట్వీట్ పెట్టారు. `విష్ణు నువ్వు చాలా ముద్దుగా ఉన్నావు… మనం కూర్చుని మాట్లాడుకుందాం, మ్యాన్ టు మ్యాన్. మహిళలు, నాన్న, సిబ్బంది మరియు షుగర్‌ని దూరంగా ఉంచి మాట్లాడుకుందాం. ఏం అంటావ్‌..?` అని మ‌నోజ్ ఛాలెంజ్ చేశాడు.

అక్క‌డితో ఆగ‌కుండా `నేను ఒంటరిగా వస్తానని వాగ్దానం చేస్తున్నాను, నువ్వు ఎవర్ని కావాలంటే వాళ్ల‌ను తెచ్చుకో. మ‌నం మేము బహిరంగంగా కూర్చుని ఆరోగ్యకరమైన చర్చను జరుపుకుందాం. మీ కరెంట్ తీగ` అని అదే ట్వీట్ లో మ‌నోజ్ పేర్కొన్నారు. ప్ర‌స్తుతం మ‌నోజ్ ట్వీట్ వైర‌ల్ గా మార‌డంతో.. మంచు విష్ణు ఎలా రియాక్ట్ అవుతాడ‌న్న‌ది ఆస‌క్తిక‌రంగా మారింది. మ‌రోవైపు మంచు బ్ర‌ద‌ర్స్ తీరు ప‌ట్ల కొంద‌రు నెటిజ‌న్లు తీవ్ర అసంతృప్తి వ్య‌క్త ప‌రచ‌గా.. మ‌రికొంద‌రు మీరు కొట్టుకుంటే కొట్టుకోండి మ‌మ్మ‌ల్ని మాత్రం ఎంట‌ర్టైన్ చేయండి అంటూ సెటైర్స్ వేస్తున్నారు.

#VisMith u r too cute… let’s sit and talk, Man to Man. keeping women, Dad, staff and sugar out of this. What say ?!

Man up #VisMith 🙏🏼🙌🏽❤️ I promise I will come alone, u can get whomever you want or we can have an open and healthy debate 🙌🏽❤️

Yours, #CurrentTheega 😅 pic.twitter.com/9diTq9HYzA

— Manoj Manchu🙏🏻❤️ (@HeroManoj1) January 18, 2025