సినీ నటుడు, బిగ్ బాస్-1 కంటెస్టెంట్, ఫిల్మ్ క్రిటిక్ కత్తి మహేశ్ రోడ్డు ప్రమాదంలో తీవ్రంగా గాయపడిన సంగతి తెలిసిదే.
నెల్లూరు జిల్లాలోని కొడవలూరు మండలం చంద్రశేఖరపురం జాతీయ రహదారిపై కత్తి మహేష్ ప్రయాణిస్తున్న ఇన్నోవా కారు… లారీని ఢీకొట్టింది.
ఈ రోడ్డు ప్రమాదంలో కత్తి మహేశ్ తీవ్రంగా గాయపడ్డారు. మహేష్ కు నెల్లూరు మెడికవర్ ఆస్పత్రిలో చికిత్స జరుగుతోంది.
ప్రమాదంలో కారు ముందు భాగం తీవ్రంగా ధ్వంసం కావడంతో కత్తి మహేశ్ తలకు తీవ్రగాయ్యాయని, కత్తి మహేశ్ ఆరోగ్య పరిస్థితి విషమంగా ఉందని ఆయనకు చికిత్స అందిస్తోన్న డాక్టర్ షఫీ వెల్లడించారు.
మహేశ్ కళ్లు, దవడలు తీవ్రంగా దెబ్బతిన్నాయని షఫీ తెలిపారు. మహేశ్ కు మెరుగైన వైద్యం అందించేందుకు చెన్నైకి తరలిస్తున్నామని షఫీ పేర్కొన్నారు.
మహేశ్ కంటికి శస్త్ర చికిత్స చేయాల్సి రావచ్చని తెలుస్తోంది.
ప్రస్తుతం ఐసీయూలో చికిత్స పొందుతోన్న కత్తి మహేశ్ ఆరోగ్య పరిస్థితి క్రిటికల్ గా ఉండడంతో ఆయన కుటుంబసభ్యులు, బంధువులు, స్నేహితులు ఆసుపత్రికి చేరుకున్నారు.
చెన్నైకి తరలించే విషయంపై సమాలోచనలు చేస్తున్నారు. తెలుగు బిగ్ బాస్ తొలి సీజన్ లో పాల్గొన్న మహేశ్ పలు సినిమాల్లో, టీవీ షోలలో నటించిన సంగతి తెలిసిందే.
అంతకుముందు ఫిల్మ్ క్రిటిక్ గా కత్తి మహేశ్ తెలుగు ప్రజలకు సుపరిచితుడే.
