జూనియర్ ఎన్టీఆర్‌కు కరోనా పాజిటివ్‌గా నిర్ధారణ అయింది.
ట్విటర్ వేదికగా ఆయన ఈ విషయం తన అభిమానులతో పంచుకున్నారు.
ఇటీవల కాలంలో తనను కలిసిన వారంతా టెస్టులు చేయించుకోవాలని ఆయన సూచించారు.
‘‘నాకు కరోనా పాజిటివ్‌గా నిర్ధరణైంది. ప్రస్తుతం నేను బాగానే ఉన్నాను. ఎవరూ ఆందోళన చెందవద్దు. నేను, నా కుటుంబ సభ్యులం ఐసోలేషన్‌లో ఉన్నాం. వైద్యుల పర్యవేక్షణలో అన్ని కోవిడ్ జాగ్రత్తలు పాటిస్తున్నాం. కొద్దిరోజులుగా నన్ను కలిసినవారంతా టెస్ట్ చేయించుకోవాలని కోరుతున్నాను’’ అంటూ ఆయన ట్వీట్ చేశారు.
ఇటీవల కాలంలో టాలీవుడ్ నటులు, ఇతర క్రాఫ్ట్స్‌కి చెందిన వారు పెద్ద సంఖ్యలో కరోనా బారిన పడుతున్నారు.
హీరోలు పవన్ కల్యాణ్, అల్లు అర్జున్, నిర్మాతలు దిల్ రాజు, బండ్ల గణేశ్ తదితరులు కరోనా బారిన పడ్డారు.
కాగా ఎన్టీఆర్ ప్రస్తుతం రాజమౌళి దర్శకత్వం వహిస్తున్న ఆర్ఆర్ఆర్ చిత్రంలో కొమురం భీంగా నటిస్తున్నారు.
ఇది పూర్తయిన వెంటనే కొరటాల శివతో మరో సినిమా ఉంది.
