పాన్ ఇండియా రేంజ్ లో కూడా జూనియర్ ఎన్టీఆర్ కు స్టార్ హీరోగా మంచి గుర్తింపు ఉన్న సంగతి తెలిసిందే. ఆర్ఆర్ఆర్ చిత్రంలో భీం పాత్రలో తారక్ నటనకు ప్రపంచవ్యాప్తంగా ఎంతో మంది సినీ ప్రియులు తారక్ నటనకు ఫిదా అయ్యారు. ఈ సినిమాలో నటనకు చెర్రీ, తారక్ లు ఇద్దరికీ ఆస్కార్ అవార్డు ఖాయమని అందరూ అనుకుంటున్నారు. ఆస్కార్ కు అఫీషియల్ గా నామినేట్ కాకపోయినా…ప్రైవేటుగా ఎంట్రీలు పంపడంతో అవార్డు వస్తుందని అనుకుంటున్నారు.
ఇక, ఆర్ఆర్ఆర్ చిత్ర ప్రమోషన్స్ సమయంలోను, ఇంటర్వ్యూలో సందర్భంగా చరణ్, తారక్ లు ఇద్దరూ చాలా సింపుల్ గా ఉండడం చూసి బాలీవుడ్ మీడియా షాకయింది. దక్షిణాది నటులు వినయవిధేయతలు కలిగి ఉంటారని బాలీవుడ్ మీడియాలో, సోషల్ మీడియాలో టాక్ వచ్చింది. ఈ నేపద్యంలోనే తాజాగా తారక్ ఎంత సింపుల్గా ఉంటాడో మరోసారి నిరూపించాడు. కర్ణాటక రాజ్యోత్సవ వేడుకలకు హాజరైన జూనియర్ ఎన్టీఆర్ సింప్లిసిటీకి కన్నడ అభిమానులు సైతం ఫిదా అయ్యారు. ఈ కార్యక్రమం సందర్భంగా వర్షం పడడంతో వేదికపై కుర్చీలు తడిచాయి. అయితే, ఓ కుర్చీని స్వయంగా తుడిచి పునీత్ భార్య అశ్వినిని తారక్ కూర్చోబెట్టారు.
ఇక, ఆ తర్వాత మరో కుర్చీలో ఇన్ఫోసిస్ ఫౌండేషన్ చైర్ పర్సన్ సుధా మూర్తిని తారక్ కూర్చోబెట్టారు. ఆ తర్వాత తను కూర్చుని కూడా తానే క్లీన్ చేసుకుని జూనియర్ ఎన్టీఆర్ కూర్చున్నారు. దీంతో, ఇందుకు సంబంధించిన వీడియో ఇప్పుడు సోషల్ మీడియాలో వైరల్ గా మారింది. ఈ కార్యక్రమానికి సూపర్ స్టార్ రజనీకాంత్, ఎన్టీఆర్, సుధామూర్తితోపాటు పలువురు ప్రముఖులు హాజరయ్యారు. వారి చేతులు మీదుగా పునీత్ రాజ్ కుమార్ భార్య అశ్విని ఆ అవార్డును అందుకున్నారు.
ఈ సందర్భంగా కన్నడలో పునీత్ రాజ్ కుమార్ గురించి తారక్ చేసిన ప్రసంగంతో ఆ ప్రాంగణం అంతా కేరింతలు చప్పట్లతో మారు మోగిపోయింది. జూనియర్ ఎన్టీఆర్ సింప్లిసిటీకి సంబంధించిన వీడియో ఇప్పుడు సోషల్ మీడియాలో వైరల్ గా మారింది.
https://twitter.com/i/broadcasts/1jMKgLWYOabGL?ref_src=twsrc%5Etfw%7Ctwcamp%5Etweetembed%7Ctwterm%5E1587407740166492160%7Ctwgr%5E64c099489b0153e040634892f4667b129abec8ef%7Ctwcon%5Es1_&ref_url=https%3A%2F%2Fwww.ap7am.com%2Fflash-news-757232%2Fntr-simplicity-video-viral-on-social-media
