విలాసవంతమైన కార్లను కొనుగోలు చేసే తారలు ఎక్కువే. అందునా తారక్ లాంటి యంగ్ హీరోకు ఖరీదైన కార్లు అన్నా.. వాచీలన్నా మహా ఇష్టం. మార్కెట్లోకి కొత్తగా కారు వచ్చిందంటే.. ఆయన చూపు దాని మీద పడుతుందని చెబుతారు. తాజాగా తన ఇష్టానికి తగ్గట్లున్న ఒక లగ్జరీ కారును ఆయన కొనుగోలు చేసినట్లు చెబుతున్నారు. తమ అభిరుచికి తగ్గట్లు ఉండే కారును విదేశాల నుంచి దిగుమతి చేసుకునే అలవాటు టాలీవుడ్ హీరోల్లో ఎప్పటి నుంచో ఉంది.
దీనికి తగ్గట్లే తారక్ తాజా కారు ఉందని చెప్పాలి. లాంబోర్గిని ఉరుస్ అనే విలాసవంతమైన కారును జూనియర్ ఎన్టీఆర్ కొనుగోలు చేశారట. ఈ ఖరీదైన కారును ఆయన తాజాగా కొన్నారని.. దీని విలువ ఏకంగా రూ.5కోట్లుగా చెబుతున్నారు. ఇటలీ నుంచి హైదరాబాద్ కు తెప్పిస్తున్నట్లుగా చెబుతున్నారు. టాలీవుడ్ లో ఇంత ఖరీదైన కారు కొద్దిమంది వద్దే ఉన్నట్లు చెబుతారు.
