టాలీవుడ్ లోని విలక్షణ దర్శకులలో గుణ శేఖర్ ఒకరు. సెలక్టివ్ గా సినిమాలు తీసే గుణ శేఖర్…రుద్రమ దేవి వంటి చారిత్రక చిత్రాలను అందించారు. ఇక, ఈ కోవలోనే టాలీవుడ్ స్టార్ హీరోయిన్ సమంత లీడ్ రోల్ పోషిస్తున్న‘శాకుంతలం’ చిత్రాన్ని అత్యంత ప్రతిష్టాత్మకంగా తెరకెక్కిస్తున్నారు. ఇప్పటికే ఫ్యామిలీ మ్యాన్-2 వెబ్ సిరీస్ తో పాన్ ఇండియా గుర్తింపు తెచ్చుకున్న సమంత…ఈ మైథలాజికల్ మూవీలోనూ అదరగొట్టిందని టాక్.
ఇక, తాజాగా ‘శాకుంతలం’ సినిమాలో సమంత పోషిస్తున్న శకుంతల పాత్ర చిత్రీకరణ పూర్తయింది. ఈ సందర్భంగా సమంతకు చిత్ర యూనిట్ ఘనంగా వీడ్కోలు పలికింది. సమంత నటనను వెండితెరపై చూడటానికి ఆత్రుతగా ఎదురు చూస్తున్నామని గుణశేఖర్ ట్వీట్ చేశారు. గుణ శేఖర్ తో పాటు నీలిమ గుణ కూడా ఈ కార్యక్రమంలో పాల్గొన్నారు. సమంతతో వర్క్ చేయడం చాలా సంతోషాన్నిచ్చిందని, సమంత అమేజింగ్ టాలెంట్ ఉన్న కంప్లీట్ ఉమెన్ అని పొగడ్తలతో ముంచెత్తారు నీలిమ గుణ.
.
‘శాకుంతలం’ మైథలాజికల్ డ్రామాను గుణటీమ్ వర్క్ తో కలసి దిల్ రాజు ప్రొడక్షన్స్ ప్రతిష్టాత్మకంగా నిర్మిస్తోంది. కాళిదాసు రాసిన శకుంతల ఆధారంగా ఈ చిత్రాన్ని గుణశేఖర్ తెరకెక్కిస్తున్నారు. ఇందులో దుశ్యంతునిగా దేవ్ మోహన్, దుర్వాస మహర్షిగా మోహన్ బాబు, మేనకగా మధు నటించగా గౌతమి, కబీర్ బేడి, వర్షిణి సుందర్ రాజన్ ఇతర కీలక పాత్రలను పోషించారు. ఈ సినిమాకు మెలోడి బ్రహ్మ మణిశర్మ సంగీతాన్ని అందిస్తున్నారు. సమంత కెరీర్ లో ఈ చిత్రం మైలురాయిగా నిలుస్తుందని చిత్ర యూనిట్ కాన్ఫిడెంట్ గా ఉంది.
