ఉమ్మడి గోదావరి జిల్లా వాసుల ఆత్మీయ సమ్మేళనం జూలై 9 న ‘తానా’ సమావేశంలో అంగరంగ వైభవంగా జరగనుంది.
అమెరికాలోని ఫిలడెల్ఫియాలో జరగనున్న 23వ ‘తానా’ కాన్ఫరెన్స్ సందర్భంగా గోదారోళ్లంతా ఒకచోట చేరదాం రండి.
మన జిల్లా పూతరేకులు, కాజాలు, బజ్జీలు తిని వేడి వేడి టీ తాగుతూ కబుర్లు చెప్పుకుందాం రండి.
ఫిలడెల్ఫియా పెన్సిల్వేనియా కన్వెన్షన్ సెంటర్, 1101, Arch Street, Philadelphia (Room#103-B) నందు జూలై 9న మధ్యాహ్నం 1.00 నుంచి 3.00 వరకు జరగబోయే ఈ కార్యక్రమానికి అందరూ ఆహ్వానితులే.
‘తానా’ లైఫ్ మెంబెర్ డాక్టర్ సుబ్బా యంత్ర ఆధ్వర్యంలో ఈ కార్యక్రమం జరగనుంది.
గోదావరి ఎన్నారై లు, ‘తానా’ సంయుక్తంగా నిర్వహించబోతున్న ఈ కార్యక్రమానికి గోదావరి జిల్లాలకు చెందిన పలువురు రాజకీయ, వ్యాపార ప్రముఖులు హాజరు కాబోతున్నారు.
నరసాపురం ఎంపీ రఘురామకృష్ణరాజు, రాజమండ్రి రూరల్ ఎమ్మెల్యే, టీడీపీ సీనియర్ నేత గోరంట్ల బుచ్చయ్య చౌదరి, మాజీ ఎంపీ, సినీ నటుడు, టీడీపీ సీనియర్ నేత మురళీ మోహన్, గీతం యూనివర్సిటీ చైర్మన్ భరత్, మాజీ ఎమ్మెల్యే రాధా కృష్ణ తదితరులు హాజరు కాబోతున్నారు.
