ఏపీ మాజీ ముఖ్య‌మంత్రి, వైఎస్ఆర్సీపీ అధినేత వైఎస్ జగన్ మోహ‌న్ రెడ్డి పెళ్లిరోజు నేడు. 1996 ఆగ‌స్టు 28న ప్రముఖ వైద్యులు ఈసీ గంగిరెడ్డి కుమార్తె అయిన భారతి రెడ్డిని జగన్ వివాహం చేసుకున్నారు. పెళ్లి రోజు సందర్భంగా వైసీపీ నేతలు, కార్యకర్తలు మ‌రియు అభిమానులు సోషల్ మీడియా ద్వారా జగన్-భారతి దంప‌తుల‌కు ప్రత్యేకంగా శుభాకాంక్షలు తెలుపుతున్నారు.
అయితే అంద‌రి గురించి ప‌క్క‌న పెడితే.. వైసీపీ మహిళా నేత, మాజీ మంత్రి రోజా సెల్వమణి జగన్ దంప‌తుల‌కు విషెస్ చెబుతూ ట్వీట్ చేయ‌డం ఆస‌క్తిక‌రంగా మారింది. నిజానికి ఎన్నిక‌ల్లో ఓడిపోయిన త‌ర్వాత రోజా క్రియాశీలక రాజకీయాలకు, పార్టీ కార్య‌క్ర‌మాల‌కు దూరంగా ఉంటున్నారు. న‌గ‌రి నియోజ‌క‌వ‌ర్గంలో కూడా క‌నిపించ‌డం లేదు. ఫ్యామిలీతోనే ఎక్కువ స‌మ‌యం గ‌డుపుతున్నారు.
అలాగే త‌మిళ‌నాడులో వ‌రుస‌గా ప‌లు దేవాల‌యాల‌ను సంద‌ర్శిస్తూ.. అక్క‌డి మీడియాకు ఫోక‌స్ అవుతున్నారు. దీంతో రోజా వైసీపీ గుడ్ బై చెప్పేసి తమిళ రాజకీయాల్లోకి ఎంట్రీ ఇవ్వ‌బోతున్నార‌నే ప్ర‌చారం ఊపందుకుంది. అంతేకాదు కోలీవుడ్ స్టార్ విజయ్ స్థాపించిన తమిళగ వెట్రి కళగం(టీఎంకే) పార్టీలో రోజా చేర‌బోతున్నార‌ని కూడా వార్త‌లు వ‌స్తున్నాయి.
ఈ వార్త‌ల‌పై రోజా స్పందించ‌లేదు. కానీ తాజాగా త‌న ఎక్స్ ఖాతా ద్వారా `ఏళ్ళన్నీ గడచినా చెదరని మీ అనుబంధం… ఇలాగే కలకాలం సాగాలని ఆశిస్తూ…!! అన్నా వదినలకి హృదయపూర్వక పెళ్ళిరోజు శుభాకాంక్షలు` అంటూ జగన్-భారతి క‌లిసున్న ఫోటోను రోజా పోస్ట్ చేసింది. దీంతో ఇప్పుడు రోజా ట్వీట్ కాస్త వైర‌ల్ గా మారింది. జగన్ పై ఉన్న అభిమానంతో రోజా విషెస్ చెప్పారా..? లేక పార్టీ మార్పుపై వస్తున్న వార్తలకు చెక్ పెట్టడం కోసం ట్వీట్ చేశారా..? అన్న‌ది మాత్రం తేలలేదు.
ఏళ్ళన్నీ గడచినా చెదరని మీ అనుబంధం… ఇలాగే కలకాలం సాగాలని ఆశిస్తూ…!! అన్నా వదినలకి హృదయపూర్వక పెళ్ళిరోజు శుభాకాంక్షలు 💞#weddinganniversary pic.twitter.com/fgsnPKhpkG
— Roja Selvamani (@RojaSelvamaniRK) August 28, 2024
