భారత్ బయోటెక్ ఉత్పత్తి చేసిన కోవాక్సిన్ 617 కరోనా వేరియంట్ తో పాటు ఇండియన్ డబుల్ మ్యూటాంట్ స్ట్రెయిన్‌ను సమర్థంగా ఎదుర్కొంటున్నట్లు వైట్ హౌస్ చీఫ్ మెడికల్ అడ్వైజర్ ఆంథోనీ ఫౌసీ మంగళవారం తెలిపారు.
భారతదేశంలో ఈరోజు కోవిడ్ విశ్వరూపం చూపిస్తున్నా… పరిష్కారం కూడా భారతదేశం వద్దే ఉంది. అయితే, దానిని గుర్తించడంలో మన ప్రధాని విపలం కావడం గమనార్హం.
టీకా గురించి మాట్లాడుతూ ’’ఇండియా కంపెనీ తయారుచేసిన కోవాగ్జిన్ కరోనాకు గొప్ప విరుగుడు కావచ్చు” అని డాక్టర్ ఫౌసీ విలేకరులతో అన్నారు.
కోవాక్సిన్‌ను భారత్ బయోటెక్ నేషనల్ ఇన్స్టిట్యూట్ ఆఫ్ వైరాలజీ మరియు ఇండియన్ కౌన్సిల్ ఆఫ్ మెడికల్ రీసెర్చ్ (ఐసిఎంఆర్) భాగస్వామ్యంతో అభివృద్ధి చేసింది. తొలుత క్లినికల్ ట్రయల్‌లో ఉన్నప్పుడు జనవరి 3 న అత్యవసర ఉపయోగం కోసం ఆమోదించబడింది.
పరీక్ష ఫలితాల తరువాత టీకా 78 శాతం సామర్థ్యాన్ని కలిగి ఉందని ఐసిఎంఆర్ తెలిపింది. కోవాక్సిన్ చనిపోయిన వైరస్ ను ఉపయోగించి తయారుచేసిన వేరియంట్.
ఇదిలా ఉండగా… భారతదేశంలో కరోనావైరస్ కేసులు పెరగడానికి దోహదం చేస్తాయని భయపడిన COVID-19 యొక్క వేరియంట్ అయిన B.1.617 డజనుకు పైగా దేశాలలో కనుగొనబడిందని WHO మంగళవారం తెలిపింది.
భారతదేశంలో మొట్టమొదట కనుగొనబడిన COVID-19 యొక్క B.1.617 వేరియంట్, మంగళవారం నాటికి, GISAID ఓపెన్-యాక్సెస్ డేటాబేస్కు అప్‌లోడ్ చేసిన 1,200 కి పైగా ఉదాహరణల్లో “కనీసం 17 దేశాల నుండి” కనుగొనబడిందని Who తెలిపింది.
