బాపులపాడు మండలం, వీరవల్లి గ్రామంలో కరోనా బాధితులకు ఉత్తర అమెరికా తెలుగు సంఘం తానా వారి ఆధ్వర్యంలో వీరవల్లి గ్రామానికి చెందిన NRI, తానా కోఆర్డినేటర్ కసుకుర్తి రాజా గారి ప్రోత్సాహంతో కరోనా నుండి కోలుకోవడానికి సంబంధించిన మందుల కిట్లను వీరవల్లి గ్రామ సర్పంచ్ శ్రీమతి పిల్లా అనిత గారు పంపిణీ చేయడం జరిగింది. ఈ సందర్భంగా జరిగిన కార్యక్రమంలో గ్రామ సర్పంచ్ శ్రీమతి పిల్లా అనిత గారు మాట్లాడుతూ ఈ కిట్లను గ్రామంలోని వాలంటీర్లు ఆశా వర్కర్లు,ANM ల ద్వారా కరోనాతో బాధపడుతున్న వారికి అందచేసి వారు త్వరగా కోలుకునే విధంగా చర్యలు తీసుకోవాలని కోరారు.అనంతరం పరిసర గ్రామాలైన కోడూరుపాడు, రేమల్లే, వేలేరు, మడిచర్ల, కాకులపాడు, దంటగుంట్ల, తిప్పనగుంట,బడారుగూడెం గ్రామాల వారికి కూడా వీరవల్లి గ్రామం నుండి పంపిణీ చేయడం జరిగింది. ఈ కార్యక్రమంలో పంచాయతీ కార్యదర్శి శ్యామల రావు గారు,గ్రామ ప్రముఖులు గుండపనేని ఉమా వర ప్రసాద్ గారు, కలపాల శ్రీధర్(రాజబాబు)గారు,మాజీ సర్పంచ్ ప్రస్తుత పాలక వర్గ సభ్యులు పిల్లా రామారావు గారు,వార్డు సభ్యులు, వాలంటీర్లు, ఆశా వర్కర్లు,పంచాయతీ సిబ్బంది పాల్గొన్నారు
