తీవ్రమైన ఆరోపణల్ని ఎదుర్కొంటున్నారు పాకిస్థాన్ క్రికెట్ కెప్టెన్ బాబర్ అజామ్. తరచూ ఏదో ఒక వివాదంలో చిక్కుకునే అతడు.. తాజాగా తన జట్టులోని ఒక క్రీడాకారుడి ప్రేయసితో వలపు ఛాటింగ్ చేసినట్లుగా చెబుతున్న కొన్ని ఆధారాలు.. ఫోటోలు.. ఛాటింగ్ కు సంబంధించిన స్క్రీన్ షాట్లు ఆన్ లైన్ లో ప్రత్యక్షమవుతున్నాయి. దీంతో అతడిపై పెద్ద ఎత్తున విమర్శలు వెల్లువెత్తుతున్నాయి. తన తోటి క్రికెటర్ ప్రేయసికి వలపు మెసేజ్ లు పంపినట్లుగా పేర్కొనే పలు ఆధారాలు సోషల్ మీడియాలో వైరల్ గా మారాయి.
నువ్వు నాతో ఇలానే ఛాటింగ్ చేస్తుంటే.. నీ ప్రియుడు టీంలో నుంచి బయటకు వెళ్లడంటూ బాబర్ సదరు అమ్మాయికి హామీ ఇచ్చినట్లుగా చెబుతున్నారు. అయితే.. బయటకు వచ్చిన ఫోటోలు మార్పింగ్ అని.. అతడి మీద వచ్చిన ఆరోపణలన్ని కూడా అవాస్తవాలేనన్న వాదనను ఆయన అభిమానులు పేర్కొంటున్నారు. ఇదిలా ఉంటే బాబర్ మీద మొదట్నించి ఏదో ఒక వివాదం తెర మీద వస్తూనే ఉంటుంది.
చిన్నతనం నుంచి తెలిసిన అమ్మాయి విషయంలోనూ బాబర్ అబద్ధాలు చెప్పి.. పెళ్లి చేసుకుంటానని నమ్మంచి.. మోసం చేసినట్లుగా బాబర్ పై కేసు నమోదైంది. తాను బయపెడుతున్న వివరాలు.. ఆధారాల్నిపలువురు తప్పు పడతారని.. విమర్శలు చేస్తారని.. కానీ బాబర్ అసలు రంగును ప్రపంచానికి తెలియజేయటానికే తాను అన్ని ఆధారాల్ని బయటపెడుతున్నట్లుగా ఒక నెటిజన్ పేర్కొన్నాడు.
అయితే.. తన మీద వెల్లువెత్తుతున్న విమర్శలు.. ఆరోపణలు.. బయటకు వచ్చిన ఫోటోల మీద పాక్ క్రికెట్ కెప్టెన్ బాబర్ మాత్రం అస్సలు రియాక్టు కాలేదు. అంతకంతకూ ఎక్కువ అవుతున్న ఆరోపణల నేపథ్యంలో ఆయన ఏమని బదులు ఇస్తారన్నది ఇప్పుడు ప్రశ్నగా మారింది.
Babar Azam to his teammates before team selection. pic.twitter.com/suyK0fXJzH
— Muhammad Arun Singh Anthony (@ArunTuThikHoGya) January 17, 2023
