ప్రపంచవ్యాప్తంగా పాపులర్ అయిన రియాలిటీ షో బిగ్ బాస్… తెలుగు ప్రేక్షకులను కూడా విపరీతంగా ఆకట్టుకున్న సంగతి తెలిసిందే.
ఇప్పటివరకు తెలుగు బిగ్ బాస్ ఐదు సీజన్లను విజయవంతంగా పూర్తి చేసుకుంది.
మరో రెండు నెలల్లో బిగ్ బాస్ సీజన్-6 మొదలు కాబోతోందని హోస్ట్ నాగార్జున ప్రకటించారు.
అయితే, సీజన్-5కు వ్యాఖ్యాతగా వ్యవహరించిన నాగార్జున….ఆరో సీజన్ కు హోస్ట్ గా ఉండకపోవచ్చని టాక్ వస్తోంది.
ఈ క్రమంలోనే మరో స్టార్ హీరో సీజన్-6కు హోస్ట్ గా వ్యవహరించబోతున్నారన్న వార్త చక్కర్లు కొడుతోంది.
హిందీ తరహాలోనే బిగ్‌బాస్‌ ఓటీటీ మొదటి సీజన్ మొదలుకానుందని మరో ప్రచారం జరుగుతోంది.
ఈ క్రమంలోనే బిగ్ బాస్ తెలుగు షోకు తర్వాతి హోస్ట్ గా నందమూరి నటసింహం బాలకృష్ణ రాబోతోన్నారని తెలుస్తోంది.
ఆహాలో అన్‌స్టాపబుల్‌ విత్ ఎన్బీకేతో అదరగొడుతోన్న బాలయ్య అయితే బిగ్ బాస్-6 లేదా బిగ్ బాస్ ఓటీటీ-1 కు మంచి ఊపు వస్తుందని షో నిర్వాహకులు భావిస్తున్నారట.
అయితే, ఈ విషయంపై అఫీషియల్ క్లారిటీ రావాలంటే మరి కొన్ని రోజులు వెయిట్ చేయాల్సింది.
ఇక, బిగ్ బాస్ తొలి సీజన్ లో జూనియర్ ఎన్టీఆర్ హోస్ట్ గా షోను మరో రేంజ్ కు తీసుకువెళ్లాడు.
తెలుగులో అంత సక్సెస్ అవుతుందో కాదో అనుకున్న ఆ షోను తారక్ ఒంటి చేత్తో డీల్ చేసి వ్యాఖ్యాతగానూ తాను తక్కువేం కాదని ప్రూవ్ చేసుకున్నాడు.
ఇక, తారక్ నుంచి రెండో సీజన్ పగ్గాలను అందుకున్న నేచురల్ స్టార్ నాని కూడా తనదైన శైలిలో షోను లాగించేశాడు.
ఇక, యువ సామ్రాట్ అక్కినేని నాగార్జున తన చరిష్మాతో మూడు, నాలుగు, ఐదు సీజన్లను అవలీలగా ముగించేసి బిగ్ బాస్ పై క్రేజ్ ను మరింత పెంచేశాడు.
