అందం, అభిన‌యం, అంత‌కు మించి టాలెంట్ ఉన్నా ఆఫ‌ర్లు లేక స‌త‌మ‌తం అవుతున్న హీరోయిన్ల జాబితాలో అనన్య నాగళ్ల ఒక‌రు. తెలంగాణ రాష్ట్రంలో జ‌న్మించిన ఈ అచ్చ తెలుగ‌మ్మాయి.. బిటెక్ పూర్తి చేసి కొంతకాలం ఒక సాప్ట్‌వేర్ కంపెనీలో ఉద్యోగం చేసింది. అయితే న‌ట‌న‌పై ఉన్న మ‌క్కువ‌తో ఉద్యోగాన్ని వ‌దిలి పెట్టి సినీ ఇండ‌స్ట్రీ వైపు అడుగులు వేసింది. షార్ట్ ఫిల్మ్స్ తో కెరీర్ స్టార్ట్ చేసిన ఈ భామ.. `మల్లేశం` మూవీతో సినీరంగ ప్ర‌వేశం చేసింది.
చేనేత కళాకారుడు చింతకింది మల్లేశం జీవిత కథ ఆధారంగా రూపుదిద్దుకున్న ఈ చిత్రంలో ప్రియదర్శికి భార్య‌గా న‌టించి విమ‌ర్శ‌కుల నుంచి ప్ర‌శంస‌లు అందుకుంది. తొలి చిత్రంతోనే బెస్ట్ డ‌బ్యూ హీరోయిన్ గా అవార్డును సైతం సొంతం చేసుకుంది. ఆ త‌ర్వాత అనన్య `ప్లే బ్యాక్` అనే మూవీ చేసింది. టైమ్ లూప్ కాన్సెప్ట్ తో తెర‌కెక్కిన ఈ చిత్రం ఓటీటీ వేదిక‌గా విడుదలై ప్రేక్ష‌కుల‌ను బాగానే అల‌రించింది.
ఆపై అనన్య ప‌వ‌ర్ స్టార్ పవన్ క‌ళ్యాణ్‌ రీఎంట్రీ చిత్ర‌మైన `వ‌కీల్ సాబ్‌`లో ఓ కీల‌క పాత్ర‌ను పోషించింది. ఈ చిత్రం హిట్ అవ్వ‌డంతో.. అనన్య ద‌శ తిరిగిన‌ట్టే అని అంద‌రూ అనుకున్నారు. కానీ, అందుకు భిన్నంగా ఆమె కెరీర్ సాగుతోంది. చిన్న చిన్న క్యారెక్ట‌ర్స్ మిన‌హా.. హీరోయిన్ గా ఆమెకు అవ‌కాశాలే క‌రువ‌య్యాయి.
దాంతో సోష‌ల్ మీడియా వేదిక‌గా ఆమె గ్లామ‌ర్ షోకు తెర లేపింది. ఫిలిం మేక‌ర్స్ దృష్టిలో ప‌డేందుకు త‌ర‌చూ త‌న జీరో సైజ్ అందాల‌తో మిస్మ‌రైజ్ చేస్తోంది. అయిన‌ప్ప‌టికీ టాలీవుడ్ ద‌ర్శ‌క‌నిర్మాత‌లు ఆమెను ప‌ట్టించుకోవ‌డం లేదు. మ‌రి ఆఫ‌ర్ల కోసం అందాల భామ అనన్య నాగళ్ల ఎదురుచూపులు ఇంకెన్నాళ్లో చూడాలి.
కాగా, ప్ర‌స్తుతం అనన్య నాగళ్ల గుణ‌శేఖ‌ర్ ద‌ర్శ‌క‌త్వంలో స‌మంత ప్ర‌ధాన పాత్ర‌లో రూపుదిద్దుకున్న `శాకుంత‌లం` సినిమాలో ఓ పాత్ర‌ను పోషించింది. అలాగే త‌మిళ హీరో శ‌శికుమార్ ప్ర‌ధాన పాత్ర‌లో ఓ చిత్రం తెర‌కెక్కుతోంది. టైమ్ ట్రావెల్ బేస్డ్ మూవీ గా రూపొందుతున్న ఈ చిత్రానికి `అంజల` ఫేమ్ తంగం పా శరవణన్ దర్శకత్వం వహిస్తున్నారు. ఇందులో అనన్య హీరోయిన్ గా ఎంపిక అయింది.
ఒక‌వేళ ఈ మూవీ గ‌నుక మంచి విజ‌యం సాధిస్తే.. అనన్య కోలీవుడ్ లో బిజీ అయ్యే అవ‌కాశాలు ఉన్నాయి. ఈ నేప‌థ్యంలోనే టాలీవుడ్ లో స‌క్సెస్ కాలేక‌పోయిన అనన్య.. కోలీవుడ్ లో అయినా స‌త్తా చాటాల‌ని ఆమె అభిమానులు ఆకాక్షిస్తున్నారు.
