టాలీవుడ్ ఏస్ మాస్ డైరెక్టర్ బోయపాటి శ్రీను, మాస్ కా బాప్, నందమూరి నటసింహం బాలకృష్ణల కాంబోలో రాబోతోన్న అఖండ చిత్రంపై భారీ అంచనాలునన్న సంగతి తెలిసిందే. ప్రేక్షకులు, బాలయ్య అభిమానుల అంచనాలకు తగ్గట్టుగానే ఇప్పటికే ఈ చిత్రంలో బాలయ్య లుక్…చెప్పిన డైలాగ్ ట్రెండింగ్ లో ఉన్నాయి. అఘోరా లుక్ లో ఉన్న బాలయ్య..”కాలుదువ్వే నంది ముందు రంగు మార్చిన పంది.. కారు కూతలు కూస్తే కపాలం పగిలిపోద్ది” అంటూ త్రిశూలం చేతబట్టి చెప్పిన డైలాగ్ ఫ్యాన్స్ కు పూనకాలు తెప్పించింది.
ప్రస్తుతం షూటింగ్ పూర్తి కాగా, పోస్ట్ ప్రొడక్షన్ కార్యక్రమాలు జరుగుతున్న ఈ చిత్రం నుంచి దీపావళి కానుకగా టైటిల్ సాంగ్ ను రిలీజ్ చేయనుంది చిత్ర యూనిట్. బాలయ్య ఫ్యాన్స్ కు దీపావళి గిఫ్ట్ గా అఖండ టైటిల్ సాంగ్ రోర్ అంటూ ఓ చిన్న ప్రోమోను ఈ రోజు విడుదల చేశారు. ఈ పాట పూర్తి లిరికల్ వీడియో సాంగ్ నవంబర్ 8న విడుదల చేయబోతున్నారు.
”భం అఖండ…భం భం అఖండా….”అంటూ సాగే ఈ పవర్‌ఫుల్ పాట ప్రస్తుతం యూట్యూబ్ లో ట్రెండ్ అవుతోంది. దుష్టులను అంతం చేసి…జనాన్ని కాపాడేందుకు వచ్చే అఘోరాగా బాలయ్య ఇందులో కనిపించబోతున్నట్లు పాటలో అర్థమవుతోంది. “అఖండ”లో బాలకృష్ణ అఘోర పాత్రలో కనిపించనుండగా..ప్రగ్యా జైస్వాల్ కథానాయికగా నటిస్తోంది. సింహా, లెజెండ్ తర్వాత బోయపాటి శ్రీను, బాలకృష్ణల కాంబోలో వస్తున్న ఈ చిత్రం తప్పక హ్యాట్రిక్ కొడుతుందని బాలయ్య ఫ్యాన్స్ కాన్ఫిడెంట్ గా ఉన్నారు.
