మోస్ట్ అవైటెడ్ ఫిల్మ్ క‌ల్కి 2898 ఏడీ ఆగ‌మ‌నానికి టైమ్ దగ్గర ప‌డింది. మ‌హాన‌టి ఫేమ్ నాగ్ అశ్విన్ తెర‌కెక్కించిన ఈ సైన్స్ ఫిక్ష‌న్ యాక్ష‌న్ మూవీలో పాన్ ఇండియా స్టార్ ప్రభాస్ హీరోగా న‌టించాడు. జూన్ 27న వ‌ర‌ల్డ్ వైడ్ గా క‌ల్కి గ్రాండ్ రిలీజ్ కాబోతోంది. ఇప్ప‌టికే బ‌య‌ట‌కు వ‌చ్చిన ట్రైల‌ర్లు సినిమాపై భారీ హైప్ క్రియేట్ చేశాయి. హాలీవుడ్ చిత్రాల‌కు ధీటుగా క‌ల్కి ఉండ‌బోతోంద‌ని ట్రైల‌ర్స్ ద్వారా స్ప‌ష్ట‌మైంది. మ‌రోవైపు ఈ సినిమా క‌థ ఎలా ఉంటుందో డైరెక్ట‌ర్ నాగ్ అశ్విన్ చూచాయిగా చెప్పేశారు.
కాశీ, కాంప్లెక్స్, శంబాలా అనే మూడు ప్రపంచాల చుట్టూ క‌ల్కి క‌థ తిరుగుతుంది. 3 గంటల 56 సెకన్ల నిడివితో చాలా పెద్ద సినిమాగా క‌ల్కి రాబోతోంది. ఇక‌పోతే ఈ చిత్రంలో ప్ర‌ధాన తారాగ‌ణంతో అతిథుల హడావిడి కూడా గ‌ట్టిగానే ఉండ‌బోతోంద‌ని సోష‌ల్ మీడియాలో ప్ర‌చారం జ‌రుగుతోంది. క‌ల్కి మూవీలో భైర‌వ‌గా ప్రభాస్, అశ్వద్ధామ గా అమితాబ్ నటించారు. దీపికా పదుకొనే ప్ర‌ధాన హీరోయిన్ గా, దిశా ప‌టానీ మ‌రో క‌థానాయిక‌గా యాక్ట్ చేసింది. విల‌న్ పాత్ర‌ను క‌మ‌ల్ హాస‌న్ పోషించాడు. అలాగే శోభన, మాళ‌విక నాయ‌ర్, రాజేంద్ర ప్ర‌సాద్‌, ప‌శుప‌తి, అన్నాబెన్ వంటి న‌టులు ఇత‌ర ముఖ్య‌మైన పాత్ర‌ల్లో అల‌రించ‌బోతున్నారు.
ఇక అతిథుల విష‌యానికి వ‌స్తే.. టాలీవుడ్ నుంచి న్యాచుర‌ల్ స్టార్ నాని, రౌడీ బాయ్‌ విజ‌య్ దేవ‌ర‌కొండ, మాలీవుడ్ నుంచి దుల్క‌ర్ స‌ల్మాన్ మ‌రియు బాలీవుడ్ నుంచి కండ‌ల వీరుడు స‌ల్మాన్ ఖాన్ క‌ల్కి మూవీలో గెస్ట్ పాత్ర‌ల్లో క‌నిపించ‌బోతున్న‌ట్లు బ‌లంగా ప్ర‌చారం జ‌రుగుతోంది. అలాగే ద‌ర్శ‌క‌ధీరుడు రాజమౌళి ఈ చిత్రంలో రెండు నుంచి మూడు నిమిషాల నిడివి ఉన్న విశ్వామిత్ర క్యారెక్ట‌ర్ లో అల‌రించ‌నున్నార‌ని టాక్ న‌డుస్తోంది. రామ్ గోపాల్ వ‌ర్మ సైతం ఓ స‌ర్‌ప్రైజింగ్ రోల్ లో క‌నిస్తార‌ని అంటున్నారు. వీరితో పాటు మ‌రికొంద‌రు తార‌లు క‌ల్కిలో అతిథులుగా మెర‌వ‌నున్న‌ట్లు వార్త‌లు వ‌స్తున్నాయి. ఈ వార్త‌ల‌పై స్ప‌ష్ట‌త రావాలంటే జూన్ 27వ తేదీ వ‌ర‌కు వెయిట్ చేయాల్సిందే.
