టాలీవుడ్ లో న్యాచురల్ స్టార్ అనగానే గుర్తుకు వచ్చే పేరు నాని. 2008లో విడుదలైన అష్టా చమ్మాతో హీరోగా మారిన నాని.. తొలి సినిమాతోనే హిట్ కొట్టి అందరి దృష్టిని ఆకర్షించాడు. ఎటువంటి సినీ నేపథ్యం లేకపోయినప్పటికీ హీరోగా నిలదొక్కుకుని స్టార్ ఇమేజ్ ను సంపాదించుకున్నాడు. ప్రస్తుతం వరుస సినిమాలతో కెరీర్ ను పరుగులు పెట్టిస్తున్న నాని.. తాజాగా కొత్త అవతారం ఎత్తాడు.
పదహారేళ్ల సినీ ప్రయాణంలో తొలిసారి నాని రైటర్ గా మారి తన సినిమాకు తానే కథ అందించబోతున్నాడు. ఇంతకీ ఆ సినిమా మరేదో కాదు `హిట్ 3`. నాని హోమ్ బ్యాన‌ర్ వాల్ పోస్టర్ సినిమా పై నిర్మిత‌మైన హిట్, హిట్ 2 చిత్రాలు మంచి విజ‌యాల‌ను న‌మోదు చేశాయి. అయితే హిట్ లో విశ్వ‌క్ సేన్ హీరోగా న‌టిస్తే.. హిట్ 2 లో అడ‌వి శేష్ మెయిన్ లీడ్ లో యాక్ట్ చేశాడు.
ఈ రెండు సినిమాల‌ను ప్రొడ్యూస్ చేసి స‌క్సెస్ అయిన నాని.. ఇప్పుడు హిట్ 3లో క‌థానాయ‌కుడిగా చేయ‌బోతున్నాడు. అలాగే ఈ చిత్రానికి సంబంధించిన స్టోరీ లైన్ ను నాని స్వ‌యంగా రాసుకున్నాడ‌ట. నాని అందించిన స్టోరీ లైన్ తో ద‌ర్శ‌కుడు శైలేష్ కొల‌ను పూర్తి క‌థ‌ను సిద్ధం చేసి స్క్రీప్ట్ వ‌ర్క్ కూడా కంప్లీట్ చేశాడ‌ని ఫిల్మ్ స‌ర్కిల్స్ లో బ‌లంగా టాక్ న‌డుస్తోంది.
సెప్టెంబ‌ర్ లో హిట్ 3 సెట్స్ వెళ్ల‌నుంద‌ని అంటున్నారు. కాగా, ఈ సినిమాలో ప్ర‌తినాయ‌కుడిగా రానా ద‌గ్గుబాటి.. హీరోయిన్ గా శ్ర‌ద్ధా శ్రీ‌నాధ్ న‌టించ‌బోతున్నార‌ని ఇటీవ‌ల వార్త‌లు వ‌చ్చాయి. ఈ వార్త‌ల‌పై చిత్ర యూనిట్ నుంచి స్ప‌ష్ట‌త రావాల్సి ఉంది.
