గత కొన్నేళ్ల నుంచి బయోపిక్ ట్రెండ్ జోరుగా నడుస్తున్న సంగతి తెలిసిందే. సినీ, రాజకీయ, క్రీడా, వ్యాపార రంగాల్లో సక్సెస్ అయిన ప్రముఖుల జీవితాల ఆధారంగా ఇప్పటికే ఎన్నో బయోపిక్ చిత్రాలు వచ్చాయి. రీసెంట్ గా విడుదలైన అమరన్ కూడా బయోగ్రాఫికల్ మూవీనే. అయితే తాజాగా టీమ్‌ ఇండియా స్టార్ క్రికెటర్స్ లో ఒకరైన విరాట్ కోహ్లీ బయోపిక్ గురించి ఒక క్రేజీ న్యూస్ తెరపైకి వచ్చింది.
గతంలో సచిన్, ధోని, కపిల్ దేవ్ వంటి క్రికెటర్స్ లైఫ్ మీద సినిమాలు తీసి ప‌లువురు ద‌ర్శ‌కులు సక్సెస్ అయ్యారు. అయితే ఇప్పుడు తన ఆట తీరు, ప్రతిభ, వెనుతిరగని స్వభావంతో కోట్లాది మంది హృదయాలను గెలుచుకున్న విరాట్ కోహ్లీ బయోపిక్ తీసేందుకు రంగం సిద్ధం అవుతోందట. బాలీవుడ్ కి చెందిన ఓ ప్రముఖ ప్రొడక్షన్ హౌస్ ఈ బయోపిక్ ను ప్లాన్ చేస్తోందని సోషల్ మీడియాలో జోరుగా ప్రచారం జరుగుతుంది.
అంతేకాదు ఈ బయోపిక్ చిత్రంలో కోహ్లీ క్యారెక్టర్ ను మెగా పవర్ స్టార్ రామ్ చరణ్ పోషించనున్నాడని వార్తలు వస్తున్నాయి. త్వరలోనే ఈ ప్రాజెక్టు పై అధికారిక ప్రకటన రానుందని కూడా అంటున్నారు. మరి ఈ వార్తలు ఎంతవరకు నిజమో తెలియదు గానీ.. సినీప్రియులు, క్రికెట్ ల‌వ‌ర్స్‌ కోహ్లీ బయోపిక్ లో రామ్ చరణ్ పర్ఫెక్ట్ గా సరిపోతాడని అభిప్రాయపడుతున్నారు. కోహ్లీ ఫ్యాన్స్ మాత్రం భిన్నంగా స్పందిస్తున్నారు. కోహ్లీకి మంచి యాక్టింగ్ స్కిల్స్ ఉన్నందున.. అత‌ని బయోపిక్ లో అత‌నే న‌టిస్తే బాగుంటుంద‌ని అంటున్నారు. ఇంకొంద‌రు అంతర్జాతీయ క్రికెట్‌కు దూరమైన తర్వాతే కోహ్లీ బయోపిక్ వ‌చ్చే ఛాన్స్ ఉంద‌ని చెబుతున్నారు.
