యంగ్ టైగ‌ర్ ఎన్టీఆర్ అభిమానుల‌తో పాటు సినీ ప్రియుల నిరీక్ష‌ణ‌కు తెర ప‌డింది. `దేవ‌ర పార్ట్ 1` ట్రైల‌ర్ తాజాగా బ‌య‌ట‌కు వ‌చ్చింది. 2 నిమిషాల 40 సెక‌న్లు నిడివి ఉన్న ఈ ట్రైల‌ర్ ఆడియెన్స్ కు గూస్‌బంప్స్ తెప్పిస్తోంది. కులం లేదు, మ‌తం లేదు, భ‌యం అస‌లే లేదు, ధైర్యం త‌ప్ప ఏమీ తెలియ‌ని వాళ్ల‌కి మొద‌టి సారి భ‌యం పొర‌లు క‌మ్ముకున్నాయి అనే డైలాగ్ తో ప్రారంభ‌మైన ట్రైల‌ర్ ఆధ్యంతం ఆక‌ట్టుకుంది.
ఎన్టీఆర్ యాక్షన్ వేరే లెవల్ అని చెప్పుకోవ‌చ్చు. హైవోల్జేజ్ సీక్వెన్సుల్లో ఎన్టీఆర్ విశ్వ‌రూపం చూపించాడు. సముద్రం బ్యాక్‍డ్రాప్‍ విజువల్స్ అద‌ర‌హో అనిపించాయి. దేవ‌ర‌లో తండ్రీకొడుకులుగా ఎన్టీఆర్ ద్విపాత్రాభిన‌యం చేశాడు. `మ‌నిషికి బ్ర‌తికేంత ధైర్యం చాలు.. చంపేంత ధైర్యం కాదు.. కాదు కూడ‌దు అని మీరు మళ్లీ ఆ ధైర్యాన్ని కూడ‌క‌డితే.. ఆ ధైర్యాన్ని చంపే భ‌యాన్ని అవుతా` అంటూ ట్రైల‌ర్ లో ఎన్టీఆర్ చెప్పిన డైలాగ్ హైలెట్ గా నిలిచింది.
ఎన్టీఆర్ ను ఢీ కొట్టే ప్ర‌తినాయ‌కుడి పాత్ర‌లో సైఫ్ అలీ ఖాన్ ను సైతం చాలా ప‌వ‌ర్ ఫుల్ గా చూపించారు. హీరోయిన్ జాన్వీ క‌పూర్ ప‌లు స‌న్నివేశాల్లో క‌నిపించి ఆక‌ట్టుకుంది. ప్రకాష్ రాజ్, శ్రీకాంత్, షైన్‌ టామ్‌ చాకో త‌దిత‌రులు ఇత‌ర ముఖ్య‌మైన పాత్ర‌ల్లో అల‌రించ‌బోతున్నారు. అనిరుధ్ అందించిన బ్యాక్‍గ్రౌండ్ మ్యూజిక్ ఇంటెన్సిటీతో ఉంది. ఇక కొర‌టాల శివ డైరెక్ట్ చేసిన ఈ హైవోల్టేజ్ యాక్షన్ థ్రిల్లర్ సెప్టెంబ‌ర్ 27న వ‌ర‌ల్డ్ వైడ్ గా ఐదు భాష‌ల్లో గ్రాండ్ రిలీజ్ కాబోతోంది. తాజాగా రిలీజ్ అయిన ట్రైల‌ర్ సినిమాపై అంచ‌నాల‌ను తారా స్థాయికి తీసుకెళ్లింది. ట్రైల‌ర్ చూసిన ఫ్యాన్స్ అండ్ ఆడియెన్స్ ఎన్టీఆర్ కు మ‌రో బిగ్ హిట్ ఖాయ‌మ‌ని జోస్యం చెప్పేస్తున్నారు.
