పాన్ ఇండియా సెన్సేషన్ ప్రభాస్ హీరోగా నాగ్ అశ్విన్ దర్శకత్వంలో ఇటీవల వచ్చిన చిత్రం `కల్కి 2898 ఏడీ`. ఈ మైథలాజికల్ సైన్స్ ఫిక్షన్ మూవీని అశ్వినీ ద‌త్ అత్యంత ప్ర‌తిష్టాత్మ‌కంగా నిర్మించగా.. అమితాబ్ బచ్చన్, కమల్ హాసన్, దీపిక పదుకొనే తదితరులు ఇతర ముఖ్యమైన పాత్రల‌ను పోషించారు. జూన్ 27న ప్రపంచవ్యాప్తంగా విడుదలైన కల్కి మూవీ పాజిటివ్ టాక్ తెచ్చుకుంది. కేవలం ఇండియాలోనే కాకుండా విదేశాల్లో సైతం ప్రేక్షకుల నుంచి అద్భుతమైన రెస్పాన్స్ ను సొంతం చేసుకుంటూ బాక్సాఫీస్ వద్ద కాసుల వ‌ర్షాన్ని కురిపిస్తోంది.
ఆరంభం నుంచి ఎక్స్‌లెంట్ వ‌సూళ్ల‌ను రాబ‌డుతుంది. దీంతో తొమ్మిది రోజుల్లోనే కొండంత టార్గెట్ ఔట్‌ అయింది. అవును, ప్రభాస్ న‌టించిన కల్కి చిత్రం 9వ రోజు వచ్చిన క‌లెక్ష‌న్స్ తో బ్రేక్ ఈవెన్ అవ్వ‌డ‌మే కాకుండా లాభాల బాట కూడా ప‌ట్టేసింది. ఇప్ప‌టి వరకు తెలుగు రాష్ట్రాల వ్యాప్తంగా రూ. 146.29 కోట్ల షేర్‌, రూ. 226.9 కోట్ల గ్రాస్ వ‌సూళ్లు అందుకున్న కల్కి.. వ‌ర‌ల్డ్ వైడ్ గా రూ. 374.49 కోట్ల షేర్‌, రూ. 719.80 కోట్ల గ్రాస్ ను రాబ‌ట్టి దుమ్ము దుమారం లేపింది.
వ‌ర‌ల్డ్ వైడ్ గా ఈ సినిమా బ్రేక్ ఈవెన్ టార్గెట్ రూ. 372 కోట్ల రేంజ్ లో ఉంది. అయితే కల్కి 9వ రోజే టార్గెట్ ను రీచ్ అయింది. ప్ర‌స్తుతం రూ. 2.49 కోట్ల ప్రాఫిట్ తో ముందుకు ప‌రుగులు పెడుతోంది. ఇక ఫుల్ ర‌న్ లో ప్రభాస్ సినిమా ఏ రేంజ్ లో క‌లెక్ష‌న్స్ ను వ‌సూల్ చేస్తుందో చూడాలి. కాగా, కల్కి 2898 ఏడీ చిత్రానికి కొన‌సాగింపుగా కల్కి 2 కూడా ఉండ‌బోతున్న సంగ‌తి తెలిసిందే. ఇంట్రెస్టింగ్ ట్విస్ట్ తో నాగ్ అశ్విన్ మొద‌టి భాగాన్ని ముగించాడు. దీంతో సినీ ప్రియులంతా కల్కి 2 కోసం ఎంతో అత్రంగా ఎదురు చూస్తున్నారు.
