ఇండియాస్ మోస్ట్ అవైటెడ్ మూవీ `కల్కి 2898 ఏడీ` జూన్ 27న ప్ర‌పంచ‌వ్యాప్తంగా గ్రాండ్ రిలీజ్ అయిన సంగ‌తి తెలిసిందే. పాన్ ఇండియా స్టార్ ప్రభాస్, అమితాబ్ బ‌చ్చ‌న్‌, దీపికా ప‌దుకొనే, క‌మ‌ల్ హాస‌న్ వంటి స్టార్స్ ప్ర‌ధాన పాత్ర‌ల్లో న‌టించిన ఈ మైథ‌లాజిక‌ల్ సైన్స్ ఫిక్ష‌న్స్ యాక్ష‌న్ ఫిల్మ్ నేష‌న‌ల్ వైడ్ గా పాజిటివ్ టాక్ ను సొంతం చేసుకుంది. ఎపిక్ ఫిల్మ్ అంటూ సినీ తార‌లు కూడా కల్కిని కొనియాడుతున్నారు. మ‌రోవైపు ఈ చిత్రం ఇండియ‌న్ బాక్సాఫీస్ ని షేక్ చేస్తూ వ‌సూళ్ల వ‌ర్షం కురిపిస్తోంది.
మొద‌టి రోజు రూ. 191.5 కోట్ల గ్రాస్ ను క‌లెక్ట్ చేసిన కల్కి.. భారతీయ సినిమాల్లో అత్యధిక ఓపెనింగ్స్ నమోదు చేసిన టాప్ 3 చిత్రాల్లో ఒక‌టిగా నిలిచింది. అలాగే రెండు రోజుల్లో 298.5 కోట్ల మార్క్‌ ను ట‌చ్ చేసింది. వ‌సూళ్ల గురించి ప‌క్క‌న పెడితే.. కల్కి మూవీ క్లైమాక్స్ లో ఊహించ‌ని ట్విస్ట్ తో నాగ్ అశ్విన్ పార్ట్ 2కు లీడ్ ఇచ్చారు. దీంతో సినీ ప్రియులు ఇప్పుడు కల్కి పార్ట్ 2 ఎప్పుడెప్పుడు వ‌స్తుందా అని ఎంతో అత్రుత‌తో ఎదురుచూస్తున్నారు.
ఇటీవ‌ల ఇన్‌స్టాగ్రామ్ లైవ్ లో నాగ్ అశ్విన్ మాట్లాడుతూ.. కల్కి రెండు భాగానికి సంబంధించిన వర్క్ మరో ప‌ది రోజుల్లో స్టార్ట్ అవుతుంద‌ని తెలిపారు. అయితే తాజాగా మీడియాతో మాట్లాడిన నిర్మాత అశ్వినీ ద‌త్.. కల్కి పార్ట్ 2పై అదిరిపోయే మ్యాట‌ర్ ను రివీల్ చేశారు. కల్కి పార్ట్ 2 షూటింగ్ ఆల్రెడీ 60 శాతం పూర్తైంద‌ని, త్వరలో మిగిలిన షూటింగ్ ను మొద‌లుపెడ‌తామ‌ని వెల్ల‌డించారు.
అలాగే పార్ట్ 2 పూర్త‌వ్వ‌డానికి క‌నీసం యేడాదిన్న‌ర ప‌డుతుందని.. షూటింగ్ మొత్తం అయ్యాక రిలీజ్ డేట్ పై నిర్ణ‌యం తీసుకుంటామ‌ని అశ్వినీ ద‌త్ తెలిపారు. ఈయ‌న తెలిప‌న వివ‌రాల‌తో ప్రభాస్ ఫ్యాన్స్ ఫుల్ ఖుషీ అయిపోతున్నారు.
