టీడీపీ అధినేత నారా చంద్రబాబు నాయుడు 74వ జన్మదిన వేడుకలను అమెరికాలోని బే ఏరియా లో ఉన్న శాన్ రామన్ స్పోర్ట్స్ పార్క్ లో ట్రై వ్యాలీ ఎన్నారై టీడీపీ ఆధ్వర్యంలో ఘనంగా నిర్వహించారు.
రాబోయే ఎన్నికల్లో చంద్రబాబు నేతృత్వంలోనే టీడీపీ కూటమి ఘన విజయం సాధిస్తుందని వారు ఆశాభావం వ్యక్తం చేశారు.
చంద్రబాబు మద్దతుదారులు “NRI TDP & Happy Birthday CBN” అనే సందేశాన్ని కలిగి ఉన్న బ్యానర్‌లను, టీడీపీ గొడుగులను మరియు మహిళలు పసుపు చీరలను ధరించి ఎంతో ఉత్సాహంగా, ఉల్లాసంగా పాల్గొన్నారు.
ఉమ్మడి ఆంధ్రప్రదేశ్ మరియు ఆ తర్వాత ఆంధ్రప్రదేశ్‌కు ముఖ్యమంత్రిగా చంద్రబాబు కు ఉన్న విస్తృత అనుభవం మరియు వచ్చే నెలలో జరగనున్న ఎన్నికల కోసం టిడిపి ప్రచారానికి ఆయన ప్రస్తుత నాయకత్వాన్ని హైలైట్ చేస్తూ, రాబోయే ఎన్నికల్లో టీడీపీ, జనసేన మరియు బిజేపి కి మద్దతు ఇవ్వాలని ఇంటింటికి తిరిగి మహిళా ఓటర్లను కోరారు.
ఈ వేడుకలో చిన్నారులు, ఎన్నారై టీడీపీ పార్టీ నాయకులతో కలిసి చంద్రబాబు పుట్టినరోజు కేక్ కట్ చేశారు.
ట్రై వ్యాలీ ఎన్నారై టీడీపీ నాయకులు, ఐటీ నిపుణులు, సీనియర్ సిటిజన్లు చంద్రబాబు నాయుడు ఆయురారోగ్యాలతో ఉండాలని ఆకాంక్షిస్తూ శుభాకాంక్షలు తెలిపారు.
టీడీపీ ఎన్నారై నేతలు సురేష్ పోతినేని, శ్రీనివాస్ శాఖమూరి, సతీష్ వేమూరి, రజని కాకర్ల, రామ్ మద్దినేని, సత్యన్నారాయణ ఆలపాటి, ఆదినారాయణ, రామ్ ప్రసాద్ చోడె, రామ్ బైరపనేని, చెన్న క్రిష్ణయ్య, నరేష్ జంపని, శ్రీనివాస్ మైనేని, బాలకృష్ణ కంతేటి, నరహరి మర్నేని మరియు హరిబాబు బొప్పుడి తదితరులు ఈ వేడుకల్లో పాల్గొన్నారు.
ఈ కార్యక్రమాన్ని ట్రై వ్యాలీ ఎన్నారై టీడీపీ నాయకుడు ఎంవీ రావు సమన్వయ పరిచారు.
